Monday, April 21, 2025
Homeبین الاقوامیپاکستان میں ڈینگی سے 66 افراد کی موت

پاکستان میں ڈینگی سے 66 افراد کی موت

- Advertisement -
- Advertisement -

اسلام آباد ۔ پاکستان میں اس سال ابھی تک ڈینگی میں 44ہزار سے زیادہ لوگ مبتلا ہوئے ہیں جن میں سے 66 افراد کی موت ہوچکی ہے ۔اس سے پہلے سال 2011 میں پاکستان میں ڈینگی کے 27 ہزار معاملے ریکارڈ کئے گئے تھے لیکن اس بیماری سے مرنے والوں کی تعداد 370 تھی جو حالیہ تعداد سے تقریباً چھ گنا زیادہ تھی۔

نیشنل انسٹی ٹیوٹ آف ہیلتھ کے امراض کی نگرانی کے شعبہ کے سربراہ ڈاکٹر رانا صفدر نے ایک اطلاع میں بتایا کہ اس سال دنیا بھر میں ڈینگی کے معاملوں کی بے حد تشویش ناک تعداد درج ہوئی ہے ۔انہوں نے دعوی کیا کہ پاکستان میں دیگر ملکوں کے مقابلے بہت زیادہ بہتری ہوئی ہے ۔

ڈاکٹر صفدر نے کہا کہ اس سال ڈینگی کی زد میں 44 ہزار افراد آئے ہیں اور اس بیماری سے 66 لوگوں کی جان جاچکی ہے ۔انہوں نے کہا کہ ملک کے زیادہ ترعلاقوں میں ڈینگی مچھر کے پیداہونے کا موسم تقریباً ختم ہوچکا ہے ۔ انہوں نے کہا کہ کراچی ملک کا واحد شہر ہے جہاں سندھ سے نہ صرف 94 فیصد معاملے سامنے آئے بلکہ رواں مالی سال کے آخر تک ڈینگی کے معاملوں کو تسلسل برقرار رہنے کا خدشہ ہے ۔

حالیہ سال میں مہیا اعدادو شمار کے مطابق ملک میں ڈینگی کے جملہ 44415 معاملے سامنے آچکے ہیں۔ اس میں اسلام آباد سے 12433 معاملے ،سندھ سے 10142،پنجاب سے 9260،خیبر پختونخوا سے 7346اور بلوچستان سے 3051معاملے سامنے آئے ہیں۔اس کے علاوہ 3383معاملے دیگر علاقوں سے آئے ہیں۔سندھ میں ڈینگی سے کم از کم 26افراد کی موت ہوئی ہے ،اسلام آباد میں 22،پنجاب میں 14،بلوچستان میں تین اور ایک دیگر علاقے میں یہ اموات ہوئی ہیں۔