دبئی: گزشتہ میچ میں شکست سے دو چار ہونے والی دہلی کیپٹلز اور پچھلے میچ میں سنسنی خیز جیت حاصل کرنے والی راجستھان رائلزکی ٹیمیں چہارشنبہ کو آئی پی ایل میچ میں اپنا موقف مستحکم کرنے کے ارادے سے میدان میں اتریں گی۔گزشتہ مقابلے میں دہلی کو ممبئی انڈینزکے خلاف پانچ وکٹ سے شکست کا سامنا کرنا پڑا تھا جبکہ راجستھان نے سن رائزرس حیدرآباد کو سنسنی خیز مقابلے میں پانچ وکٹوں سے شکست دی تھی۔ دہلی کے سات میچوں سے10 پوائنٹس ہیں جن میں پانچ فتوحات ، دو شکست ہوئی ہیں اور وہ پوائنٹس ٹیبل میں دوسرے نمبر پر ہے ۔ راجستھان کی ٹیم سات میچوں سے تین فتوحات اور چار شکست کے ساتھ چھ پوائنٹس لے کر چھٹے نمبر پر ہے ۔دہلی کی ٹیم جو اس ٹورنمنٹ میں مستقل طور پر اچھی کارکردگی کا مظاہرہ کررہی ہے ، اپنا موقف مزید مستحکم بنانا چاہے گی تاکہ وہ پلے آف میں اپنے دعوی کو مزید مضبوطکرسکے جبکہ راجستھان آخری میچ میں حیرت انگیز جیت سے پرجوش اپنی تال برقراررکھنا چاہے گی۔
دہلی کی ممبئی کے خلاف ہر شعبے میں مایوس کن کارکردگی رہی اور اسے شکست کا سامنا کرنا پڑا۔ اس میچ میں ٹیم کے اوپنر پرتھوی شا(4) جلد آؤٹ ہوئے اور دہلی کی شروعات سست ہوئی لیکن شکھر دھون (ناٹ آؤٹ 69) نے اننگز کو سنبھالا اور اطمینان بخش اسکور حاصل کیا۔ شکھر کی اننگز بھی سست تھی جس کی وجہ سے ٹیم آخر میں 10-15 رنز سے کم رہ گئی۔ پرتھوی کو راجستھان کے خلاف اس رفتار کو دوبارہ حاصل کرنا پڑے گا کیونکہ ان کی شناخت حالیہ دنوں میں دہلی کے ایک مضبوط بیٹسمین کے طور پر کی گئی ہے ۔دھون نے بھی اپنی کھوئی ہوئی فارم دوبارہ حاصل کرلی ہے اور ان پر ایک بار پھر ٹیم کو مضبوط آغاز دینے کی ذمہ داری عائد ہوگی۔ممبئی کے خلاف بیٹنگ کرتے ہوئے ٹیم کے کپتان شرئیس آئیر نے بھی42 رنز بنائے تھے اور انہیں اپنی کارکردگی سے ٹیم کو متاثر کرنے کی ضرورت ہے ۔ گزشتہ میچ میں ٹیم نے اجنکیا رہانے کو پلیئنگ الیون میں شامل کیا جو ناکام رہے اور صرف15 رنز بنا سکے جبکہ مارکس اسٹوئنس بھی رن آؤٹ ہو ئے تھے ۔ وکٹ کیپر رشبھ پنت کو زخمی ہونے کے باعث ایک ہفتہ آرام دیا گیا ہے اور ٹیم کو درمیانی اوور میں ان کی کمی محسوس ہورہی ہے ۔
دہلی کے بیٹسمینوں کو ممبئی کے خلاف کی گئی غلطیوں سے سبق سیکھنا ہوگا اور راجستھان کے خلاف واپسی کرنی ہو گی۔ دہلی کے فاسٹ بولر اشانت شرما چوٹ کی وجہ سے ٹورنمنٹ سے باہر ہوگئے ہیں جبکہ وکٹ کیپر بیٹسمین رشبھ پنت ، جو زخمی کی وجہ سے پچھلے میچ سے باہر ہوگئے تھے ، بھی ڈاکٹروں کے ذریعہ انہیں ایک ہفتہ آرام کا مشورہ دیا گیا ہے ۔ ایسی صورتحال میں دہلی کے لئے یہ ایک بڑا جھٹکا ہے ، جو پلے آف میں داخلے کی متمنی ہے ۔ تاہم ان کے پاس کیگیسو ربادا ، اسٹوئنس ، انریچ نورٹجے اور روی چندرن اشون جیسے بولر ہیں جو اپنی تال میں ہیں اور کسی بھی ٹیم کو روکنے کے اہل ہیں۔دہلی کو راجستھان کے جوس بٹلر ، بین اسٹوکس ، سنجو سیمسن ، اسٹیون اسمتھ اور پچھلے میچ کے ہیرو ریان پراگ اور راہول تیوتیا کا چیلنج درپیش ہے ۔ اسٹوکس کا اس سیزن ممبئی کے خلاف پہلا میچ تھا لیکن وہ کامیاب نہیں ہوسکے اور وہ پانچ رنز بناسکے لیکن ان کے ریکارڈ کو دیکھیں تو وہ دہلی کے لئے سب سے بڑا چیلنج ہیں ، جن کا بیٹ ایک بار چلا تو وہ تباہی مچا سکتا ہے ۔
راجستھان میں بٹلر اور اسٹوکس جیسے بہت سے بیٹسمینس موجود ہیں جو انھیں مضبوط آغاز دے سکتے ہیں لیکن اسے سیمسن کو اوپنر میں یا تیسرے نمبر پر اتارنے کی ضرورت ہے جہاں وہ بہتر کارکردگی دکھا رہے تھے ۔ مڈل آرڈر میں اسمتھ ، رابن اتھپا ، ریان اور تیوتیا شامل ہیں جو کسی مشکل سے مشکل ٹیم پر قابو پاسکتے ہیں۔تاہم اتھپا کو ابھی کارکردگی کا مظاہرہ کرنا باقی ہے اور انہیں جلد ہی دوبارہ فارم حاصل کرنے کی ضرورت ہے ۔ اختتامی اوورز میں فاسٹ بولر جوفرا آرچر بھی لمبے شاٹس لگانے کی صلاحیت رکھتے ہیں اور انہوں نے بولنگ کے علاوہ اس آئی پی ایل میں بیٹنگ سے بھی متاثرکیا ہے ۔آئی پی ایل13 میں دہلی اور راجستھان کے مابین ایک میچ ہوا ہے جس میں دہلی نے راجستھان کو46 رنز سے شکست دی۔ راجستھان کی بیٹنگ اس میچ میں مکمل ناکام تھی اور اب انہیں اپنی غلطیوں کو درست کرکے دہلی سے بدلہ لینے کا موقع ملے گا جبکہ دہلی حوصلہ برقرار رکھے گی اور وہ اپنے ریکارڈ کو برقرار رکھنا چاہے گی۔
