ایجبسٹن ۔ انگلینڈ کے اسسٹنٹ کوچ اور سابق کرکٹر پال کولنگ ووڈ نے نوجوان وکٹ کیپر رشبھ پنت کی زبردست تعریف کی جنہوں نے جمعہ کو ایجبسٹن میں دوبارہ شیڈول پانچویں ٹسٹ میں شاندار سنچری کے ساتھ ہندوستان کو ایک نازک صورتحال سے باہر نکالا۔پنت نے ٹسٹ کے پہلے دن صرف 111 گیندوں پر 146 رنز کی شاندار اننگز کھیل کر ہندوستان کو بہت مشکل حالات سے بچا لیا۔ رویندرا جڈیجہ (83 ناٹ آؤٹ) کے ساتھ ان کی شراکت کا آغاز ہندوستان کے 98/5 پر جدوجہد کے ساتھ ہوا، آخر کار ٹیم نے چھٹی وکٹ کے لیے 222 رنز کی شاندار شراکت کے ساتھ ٹیم کو 300 رنز تک پہنچانے میں مددکی۔
کولنگ ووڈ نے افتتاحی دن کے کھیل کے بعد کہا میں جس طرح پنت نے کھیلا وہ سلام کرنے کے قابل اننگز ہے ۔ جب آپ عالمی معیار کے کھلاڑیوں کے خلاف کھیلتے ہیں تو وہ عالمی معیار کی چیزیں کر سکتے ہیں۔ اور آج ان کا دن تھا۔کولنگ ووڈ نے مزید کہا کہ اگرچہ پنت اور جڈیجہ کی 222 رنز کی شراکت نے ابتدائی دن میز بان ٹیم کے بولروں کو مایوس کیا ہو گا لیکن اس کا یہ مطلب نہیں کہ انگلینڈ اب نقصان میں ہے۔
کولنگ ووڈ نے کہا آج کا دن بہت اچھا تھا جب ہندوستان نے 338/7 پر دن ختم کیا۔ مجھے ایسا نہیں لگتا کہ ہماری پیٹھ زیادہ دیر تک دیوار کے ساتھ لگی ہوئی ہے۔ میرے خیال میں بیٹرس کو اس وکٹ پر بیٹنگ کے لیے پرجوش ہونا چاہیے۔ اگر ہم انہیں 360، 370 تک نیچے رکھیں تو یہ بہت اچھا نتیجہ ہوگا۔میں ضرور کہوں گا کہ کچھ غلط نہیں ہوا ہو۔ نیوزی لینڈ کے خلاف تینوں میچوں میں جو کچھ ہم نے پایا ہے وہ یہ ہے کہ 30 یا 40 اوورز کے بعد ایک بار گیند کافی نرم ہو جائے تو وکٹ لینا بہت مشکل ہو جاتا ہے۔کولنگ ووڈ نے یہ بھی کہا کہ پنت کا پانچواں ٹسٹ سنچری اس بات کا اشارہ ہے کہ ٹسٹ کرکٹ تیزی سے بدل رہی ہے۔
