نئی دہلی ۔ منگل کو مرکزی بجٹ پیش کرتے ہوئے وزیر خزانہ نرملا سیتارامن نے کہا کہ ریزرو بینک نے 2022-23 سے بلاک چین ٹیکنالوجی کا استعمال کرتے ہوئے ڈیجیٹل روپیہ متعارف کروانے کی تجویز پیش کی ہے۔وزیر خزانہ نے کہا کہ سرمایہ کاری کو فروغ دینے کے لیے 2022-23 میں ریاستوں کو ایک لاکھ کروڑ روپے کی مالی امداد دی جائے گی۔انہوں نے کہا کہ ریاستوں کو 2022-23 میں جی ایس ڈی پی کے چار فیصد تک کے مالیاتی خسارے کی اجازت دی جائے گی۔ملک میں تعلیم فراہم کرنے کے لیے ایک ڈیجیٹل یونیورسٹی کے قیام کی تجویز پیش کرتے ہوئے، وزیر خزانہ نرملا سیتا رمن نے منگل کو کہا کہ اسے ہب اور اسپوک ماڈل کی بنیاد پر بنایا جائے گا۔
پارلیمنٹ میں مالی سال 2022-23 کا بجٹ پیش کرتے ہوئے سیتا رمن نے کہا کہ حکومت کوویڈ19 کی وبا کے دوران عائد پابندیوں کی وجہ سے رسمی تعلیم کے نقصان کی تلافی کے لیے اسکولی بچوں کو ضمنی تعلیم فراہم کرنے کے منصوبے پر کام کر رہی ہے۔ اس کے لیے ون کلاس ون ٹی وی چینل کا نظام نافذ کیا جائے گا۔وزیر خزانہ نے کہا کہ چھوٹے اور درمیانے شعبوں کی طرف سے فراہم کی جانے والی مہمان نوازی کی خدمات ابھی تک معمول پر نہیں پہنچی ہیں۔انہوں نے کہا کہ خواتین کی طاقت کی اہمیت کو مدنظر رکھتے ہوئے خواتین اور بچوں کی مربوط ترقی کے لیے تین اسکیمیں شروع کی گئیں۔
وزیر خزانہ نرملا سیتا رمن نے منگل کو کہا کہ 23-2022 میں 3.8 کروڑ گھرانوں کو نل کے پانی کے کنکشن فراہم کرنے کے لیے 60,000 کروڑ روپے مختص کیے گئے ہیں۔ مرکزی بجٹ 2022-23 پیش کرتے ہوئے، انہوں نے یہ بھی بتایا کہ حکومت نے ٹیکس مراعات حاصل کرنے کے لیے اسٹارٹ اپس کے لیے ایک سال کی توسیع کرکے 31 مارچ 2023 تک کرنے کا فیصلہ کیا ہے۔وزیر خزانہ نے یہ بھی کہا کہ حکومت ریاستی حکومت کی طرف سے ملازمین کے NPS (نیشنل پنشن سسٹم) میں دیے گئے تعاون پر ٹیکس کٹوتی کو 10 فیصد سے بڑھا کر 14 فیصد کرنے کی تجویز رکھتی ہے۔
