گوہاٹی۔ آسام کے چیف منسٹر اور بھارتیہ جنتا پارٹی (بی جے پی) کے رہنما ہمانتا بسوا سرما نے جمعہ کو کانگریس کے سینئر رہنما غلام نبی آزاد کے عظیم پرانی پارٹی سے استعفیٰ دینے پر ردعمل ظاہر کرتے ہوئے کہا کہ آخر کار، صرف گاندھی ہی پارٹی میں رہیں گے اور باقی سب چلے جائیں گے۔کانگریس سے بی جے پی کے رہنما سرما نے میڈیا سے بات کرتے ہوئے کہا آزاد نے آج جو کہا وہ ان مسائل سے ملتا جلتا ہے جو میں نے 2015 میں پارٹی چھوڑنے کے وقت اٹھائے تھے۔
ہرکوئی جانتا ہے کہ راہول گاندھی ایک نادان، سنکی اور غیر متوقع آدمی ہیں۔انہوں نے کہا کانگریس کی صدر سونیا گاندھی پارٹی کی دیکھ بھال نہیں کر رہی ہیں۔ وہ صرف اپنے بیٹے (راہول گاندھی) کو پروجیکٹ اور آگے کر رہی ہیں تاہم یہ فضول کوششیں ہیں۔ آسام کے چیف منسٹر نے کہا کہ کانگریس کے وہ لیڈر جو پارٹی کے وفادار تھے ایک ایک کرکے اسے چھوڑ رہے ہیں اور کانگریس کے بیشتر لیڈروں کے جذبات پارٹی کے خلاف ایک جیسے ہیں۔ سرما نے کہا کانگریس پارٹی کے کام کرنے کا انداز بی جے پی کے لیے مددگار ہے۔
راہول گاندھی بی جے پی کے لیے ایک نعمت ہیں۔ آزاد نے صحیح مسائل کو اٹھایا جو موجودہ ہیں۔ جموں وکشمیر کے سابق چیف منسٹر اور سابق مرکزی وزیر غلام نبی آزاد نے جمعہ کو کانگریس پارٹی کے تمام عہدوں سے استعفیٰ دے دیا، بشمول اس کی بنیادی رکنیت، جیسا کہ پارٹی ہائی کمان سے ان کے اختلافات کے بعد متوقع تھا۔ ایوان بالا میں اپوزیشن لیڈر کے عہدے سے سبکدوش ہونے کے بعد راجیہ سبھا کی دوبارہ نامزدگی کے لیے نظر انداز کیے جانے کے بعد سے آزاد پریشان ہیں۔ وہ کانگریس کے جی 23 گروپ کے سب سے نمایاں رہنماو ¿ں میں سے ایک تھے جنہوں نے پارٹی میں بڑے پیمانے پر اصلاحات کا مطالبہ کیا تھا۔
