حیدرآباد: شہر حیدرآباد کے پبلک ہیلت سنٹرس پر حکومت کی جانب سے کورونا کے اینٹی جینٹ ٹسٹ کروانے کی سہولت شروع کی گئی ہے جس کے پیش نظر عوام کی طویل قطاریں اس ٹسٹ کو کروانے کیلئے دیکھی جارہی ہیں۔تمام پبلک ہیلت سنٹرس پر یہ قطاریں دیکھی جارہی ہیں جہاں یہ معائنے مفت کروانے کی سہولت ہے۔
گریٹرحیدرآباد میونسپل کارپوریشن(جی ایچ ایم سی)حدود میں ہر روز6000ٹسٹ کروائے جارہے ہیں۔بدھ کی صبح کوکٹ پلی پبلک ہیلت سنٹر پر عوام کی قطاردیکھی گئی۔تاہم روزانہ صرف 100افراد کے ہی معائنے کئے جارہے ہیں جس سے یہ افراد جو اپنی باری کے منتظر ہوتے ہیں،مایوسی کے عالم میں وہاں سے روانہ ہورہے ہیں۔ان افراد کا کہنا ہیکہ گھنٹوں قطار میں ٹہرنے کے باوجود ان کی باری نہیں آرہی ہے جس سے ان کو مایوسی کا سامنا ہے۔کئی افراد اینی جنٹ ٹسٹ کروانے کو ترجیح دے رہے ہیں جہاں ٹسٹ کا نتیجہ صرف چند منٹوں میں ہی آرہا ہے۔
