کورونا کا پتہ لگانے جاسوس کتوں کااستعمال

دبئی: متحدہ عرب امارات میں کورونا کے متاثرین کا پتہ لگانے کے لیے جاسوس کتے استعمال کیے جا رہے ہیں۔تفصیلات کے مطابق اماراتی وزارت داخلہ نے کہا ہے کہ جاسوس کتوں کے استعمال سے پہلے  اس کا تجربہ کیا گیا جو کامیاب رہا۔

اماراتی وزارت داخلہ نے کہا ہے کہ مختلف مقامات پر موجود لوگوں کی بغل سے نمونے لے کر جاسوس کتے کے سامنے رکھ دیا جاتا ہے۔جس پر فورا ًہی پتہ چل جاتا ہے کہ جس شخص کا نمونہ کتے کو سونگھایا گیا ہے وہ کورونا میں مبتلا ہے یا نہیں۔

امارات میں کئی اہم اور صحت مقامات پر جاسوس کتوں کے ذریعے کورونا متاثرین کا پتہ لگانے کا تجربہ کیا گیا ہے۔ اب تک جتنے بھی تجربات کیے گئے ہیں ان سب کے نتائج کے تناظر میں کہا جاسکتا ہے کہ 91 فیصد کامیاب رہے ہیں۔جاسوس کتوں کو فیلڈ میں استعمال کرنے سے قبل دو ہفتے تک کورونا وائرس کا پتہ لگانے کی تربیت دی گئی تھی۔