قاہرہ: مصری ڈاکٹر کورونا وائرس کے مریضوں کا علاج کرتے کرتے خودوائرس کی زد میں آ گئے اور اپنی بینائی سے محروم ہوگئے ہیں۔میڈیا کے مطابق ڈاکٹر محمود سامی قنیبر، کفر الشیخ کے ایک دواخانہ میں کورونا کے مریضوں کے علاج پر مامور تھے۔ڈاکٹر محمود وبائی امراض کے ماہر ہیں اور وہ سات دن سے بلا وقفہ ڈیوٹی دینے پر شدید تھکاوٹ کا شکار ہوگئے۔ نیند سے بیدار ہوئے تو پتہ چلا کہ بینائی سے محروم ہوچکے ہیں۔
ڈاکٹر محمود نے کہا کہ دو ہفتے قبل انہیں سانس لینے میں تکلیف کا احساس ہوا تھا۔ رفقائے کار کی مدد سے سینے کا ایکسرے کروایا-۔ڈاکٹروں نے اطمینان دلایا کہ کوئی پریشانی کی بات نہیں ہے اس کے بعد وہ بے ہوش ہو گئے۔
ڈاکٹر محمود نے کہا ہے کہ دراصل بلڈ پریشر بڑھ جانے کی وجہ سے بینائی کا نظام متاثر ہوگیا تھا اسی کے نتیجے میں وہ بینائی سے محروم ہوگئے۔ڈاکٹر محمود کے بموجب کہ وہ طویل مدت تک این 95 استعمال کرتے رہے۔ کام کا دباؤ بہت زیادہ تھا جبکہ امبابا ہسپتال سے ان کے پاس کورونا کے بہت سارے مریض معائنہ کے لیے بھیج دیے گئے۔وہ ان کا طبی معائنہ کرکے حد سے زیادہ تھکاوٹ کا شکارہوگئے۔اسی دوران انہیں دل کا دورہ پڑا۔ جس سے آنکھ میں انجماد خون کا عارضہ لاحق ہوگیا اور بالاخر وہ بینائی سے محروم ہوگئے۔
