میلبورن ۔ امریکی ٹینس اسٹار ڈینیئل کولنز نے چہارشنبہ کو یہاں آسٹریلین اوپن میں فرانس کی ایلیز کارنیٹ کو 7-5، 6-1 سے شکست دے کر 2019 کے بعد سے دوسری سیمی فائنل میں جگہ حاصل کی۔اپنا پہلا گرانڈ سلام سیمی فائنل میں رسائی کے تین سال بعد امریکہ کی نمبر 27 سیڈ نے 2022 کا اپنا پہلا ٹورنمنٹ کھیلتے ہوئے راڈ لاور ایرینا میں کارنیٹ کو ایک گھنٹہ اور 28 منٹ کے کوارٹر فائنل میں شکست دی۔
کولنز نے 2019 کے آسٹریلین اوپن میں اپنا گرانڈ سلام کامیابی حاصل کی، جب اس نے سیڈنگ سے بالکل باہر عالمی نمبر 35 کی درجہ بندی کے سیمی فائنل میں جگہ بنائی۔ اس دوڑ کے دوران اس نے راؤنڈ آف 16 میں جرمنی کی سابق چمپئن اینجلیک کربرکو شکست دے کر اپنی پہلی ٹاپ5 کامیابی حاصل کی۔امریکی 28 سالہ کھلاڑی گزشتہ جولائی کے بعد سے فتوحات کا ریکارڈ 31-7 تک کرلیا ہے اور وہ زبردست فارم میں ہے۔ کولنز کے پاس اب آسٹریلین اوپن کے بعد ڈبلیو ٹی اے سنگلز رینکنگ میں ٹاپ 10 میں جگہ بنانے کا ایک موقع تھا لیکن انہیں ایسا کرنے کے لیے فائنل میں پہنچنا تھا۔
اس شکست کےبعد دنیا کے نمبر 61 کارنیٹ کے لیے کیریئر کی بہترین گرانڈ سلام دوڑ ختم ہو گئی۔ سابق عالمی نمبر 11 نے 24 جنوری کو راؤنڈ آف 16 میں رومانیہ کی سیمونا ہالیپ کو شکست دے کر اپنے کیریئر کے 63ویں گرانڈ سلام مین ڈرا میں اپنا پہلا کوارٹر فائنل کھیلا ہے ۔فرانسیسی خاتون نے پہلے کوارٹر فائنل میں پہنچنے سے پہلے سب سے زیادہ گرانڈ سلام میں شرکت کا ریکارڈ توڑ دیا۔ اس سے قبل یہ ریکارڈ تھائی لینڈ کی تمارین تاناسوگرن کے پاس تھا، جو 2008 کے ومبلڈن کے کوارٹر فائنل میں اپنے 45ویں میجر میں پہنچی تھیں۔
کارنیٹ نے مسلسل 60 گرانڈ سلام ایونٹس کھیلے ہیں اور اگر وہ اس سال چاروں بڑے مقابلوں میں مقابلہ کرتی ہیں تو لگاتار گرانڈ سلام مین ڈراز کا ہمہ وقتی ریکارڈ توڑ دے گی۔ جاپان کےآئی سوگی یاما فی الحال 62 مسلسل گرانڈ سلام مین ڈراز کے ساتھ یہ ریکارڈ اپنے پاس رکھتی ہیں۔کولنز کو اپنے دو سابق میچوں میں سیٹ گنوانے کے بعد واپسی کرنا پڑا، لیکن اس بار دوسرے سیٹ سے گزرنے سے پہلے ایک مشکل پہلے سیٹ میں برقرار رہی۔
