شارجہ: رائل چیلنجرز بنگلور (آر سی بی ) کے خلاف کنگز الیون پنجاب کے فاسٹ بولر محمد سمیع نے شارجہ گراؤنڈ میں آئی پی ایل 2020 کے31 ویں میچ میں ایک اوور میں ویراٹ کوہلی اور اے بی ڈی ولیئرزکو آؤٹ کرکے ایک خاص ریکارڈ اپنے نام کرلیا ہے ۔ در حقیقت وہ ایک اوور میں ان دونوں کھلاڑیوں کو آؤٹ کرنے والے آئی پی ایل کی تاریخ میں8 ویں بولر بن گئے ہیں۔
سمیع نے بنگلور کی اننگز کے 18 ویں اوور میں یہ کارنامہ انجام دیا۔ اس اوورکی تیسری گیند پر انہوں نے پہلے ڈی ویلیئرزکو کیچ آؤٹ کیا ۔ اس کے بعد پانچویں گیند پر سمیع نے کوہلی کو بھی وکٹ کے پیچھے کیچ کراکر پویلین کی راہ دکھائی۔ اہم بات یہ ہے کہ اس میچ میں پنجاب نے بنگلور کو 8 وکٹوں سے شکست دی۔ اس سیزن میں یہ پنجاب کی دوسری کامیابی ہے جبکہ بنگلور کی تیسری شکست ہے ۔ بنگلور نے اپنے 20 اوورز میں چھ وکٹوں کے نقصان پر 171 رنز بنائے تھے ۔ جواب میں پنجاب نے آخری گیند پر ہدف کا تعاقب کیا۔ نکولس پورن نے آخری گیند پرچھکا مارا جس سے اس ٹیم کواس سیزن میں اپنی دوسری کامیابی ملی۔
جب آخری میچ میں 33 گیندوں پر ناٹ آؤٹ 73 رنز بنانے والے اے بی ڈی ولیئرز اور کوہلی کریز پر موجود تھے تو شائقین کی توقعات بڑھ گئی تھیں لیکن محمد سمیع نے ساری امیدوں پر پانی پھیر دیا اور کوہلی اور ڈی ویلیئرزکو اسی اوور میں پویلین جانا پڑا۔ آر سی بی اننگز کے 18 ویں اور اپنے تیسرے اوور میں سمیع نے ڈویلیئرزکو ہوڈا کے ہاتھوں کیچ کروایا جبکہ وراٹ کا کیچ کے ایل راہول نے وکٹ کے پیچھے لیا ۔اس کے ساتھ ہی محمد سمیع ایک ہی اوور میں کوہلی اور ڈی ویلیئرز کو آؤٹ کرتے ہوئے آئی پی ایل کے آٹھویں بولر بن گئے ۔ اس سے قبل جیک کیلس 2012 ، دھول کلکرنی 2013 ، آشیش نہرا 2015 ، کرونل پانڈیا 2016 ، تھسارا پریرا 2016 ، نتیش رانا2018 ، شریش گوپال 2019 اور اب محمد سمیع نے یہ کام انجام دیا ہے ۔
