کے جی ایف 2 جلد ہی ٹائیگر زندہ ہے کا ریکارڈ توڑے گی

حیدرآباد ۔ ساؤتھ  کے سوپر اسٹار یش کی فلم کے جی ایف   2 سینما گھروں میں زوروں پر ہے اور آئے دن نئے ریکارڈ قائم کررہی ہے ۔ فلم کو ریلیز ہوئے 12 دن ہوچکے ہیں اور ان 12 دنوں میں فلم نے زبردست کمائی کی ہے۔ خاص بات یہ ہے کہ یہ فلم آر آر آر اور جرسی کے سامنے بھی تھیٹر میں نہیں رک سکی اور فلم کو زبردست قبضہ ملا ہے۔ یہی وجہ ہے کہ فلم نے صرف 12 دنوں میں 300 کروڑ روپے کا ہندسہ عبور کرلیا ہے۔ اب اس فلم کا سیدھا مقابلہ سوپر اسٹار سلمان خان سے ہے۔ جن کی فلم ٹائیگر زندہ ہے اس فلم کو چند ہی دنوں میں دھول چٹانے والی ہے۔دوسرے پیر کو بھی کے جی ایف   2  نے کروڑوں روپے کمائے ہیں  کیے۔

دراصل، کنڑ وسپر اسٹار یش کی فلم کے جی ایف   2 کی ہندی باکس آفس کمائی کے تازہ ترین اعداد و شمار سامنے آئے ہیں۔ فلم نے 12ویں دن سلور اسکرین پر کل 329.40 کروڑ روپے کی کمائی کی ہے۔ فلم نے 12ویں دن بھی زبردست کمائی  کرتے ہوئے اپنے اکاؤنٹ میں 8.28 کروڑ روپے کا اضافہ کر لیا ہے۔ اس کے ساتھ فلم کے دوسرے ہفتے کی کمائی کے اعداد و شمار کچھ یوں ہیں۔

پہلا ہفتہ: 268.63  روپے کروڑ
جمعہ، 9واں دن: 11.56 کروڑ روپے
ہفتہ، 10واں دن: 18.25 کروڑ روپے
اتوار 11 واں دن : 22.68 کروڑ روپے
پیر12 واں  دن: 8.28 کروڑ روپے

جملہ رقم = 329.40 کروڑ روپے ۔

دلچسپ بات یہ ہے کہ اس کے ساتھ ہی سوپر اسٹار یش بالی ووڈ سوپر اسٹار سلمان خان کی فلم ٹائیگر زندہ ہے کا ایک بڑا ریکارڈ توڑنے جارہے ہیں۔ سلمان خان کی فلم نے کل 339.16 کروڑ روپے کمائے۔ یہ ہندی باکس آفس کی پانچویں سب سے زیادہ کمائی کرنے والی فلم ہے لیکن اب چند ہی دنوں میں یہ ریکارڈ کے جی ایف 2 کے قبضہ میں آجائے گا۔