کوویڈ19کے ٹیکہ کی تیاری کے انسانوں پر تجربہ کے حصہ کے طورپر کنگ جارج اسپتال (کے جی ایچ)وشاکھاپٹنم کے حکام نے ایک مرتبہ پھر حکومت کو اس اسپتال میں انسانوں پر اس ٹیکہ کے تجربہ کی منظوری کے لئے تجاویز روانہ کی ہیں۔بھارت بائیو ٹیک انٹرنیشنل لمیٹیڈ(بی بی آئی ایل)نے قبل ازیں اس تجربہ کی ذمہ داری شعبہ میڈیسن کے اسسٹنٹ پروفیسر واسودیو کو دی تھی تاہم اب یہ ذمہ داری سینئر پروفیسر و کے جی ایچ کے شعبہ اطفال کے صدر پی وینوگوپال کو بی بی آئی ایل نے حوالے کی ہے۔
آندھرا میڈیکل کالج کے پرنسپل سدھاکر نے حال ہی میں اس سلسلہ میں مکتوب روانہ کیا اور کہا کہ وینوگوپال کو ماضی میں انسانوں پر دواوں کے تجربہ کا وسیع تجریہ ہے۔بیشتر اداروں بشمول بی بی آئی ایل اس اسپتال میں ٹیکہ کے انسانوں پر تجربہ کے لئے آگے آئے ہیں۔
سدھاکر نے کہا کہ متعلقہ کمپنیوں سے حاصل تجاویز پر غور کیاجائے گااور ان کو حتمی منظوری کے لئے اس ماہ کی 20تاریخ کو ڈی ایم ای کے دفتر بھیجا جائے گا۔سدھاکر نے کہا کہ حکومت سے منظوری ملنے کے ساتھ ہی اس ٹیکہ کے انسانوں پر تجربہ کا آغاز کردیاجائے گا۔
