ریاض ۔ دنیا میں ہتھیار خریدنے والے ممالک کی فہرست میں سعودی عرب پہلے اور آسٹریلیا دوسرے مقام پر ہے۔سویڈش ادارے اسٹاکہوم انٹرنیشنل پیس ریسرچ انسٹیٹیوٹ کے مطابق دنیا میں سب سے زیادہ ہتھیار سعودی عرب خرید رہا ہے۔ آسٹریلیا حیران کن طور پر دوسرے نمبر پر ہے جبکہ چین اور ہندوستان بھی اس دوڑ میں آگے ہیں۔
سویڈن کے بین الاقوامی تھنک ٹینک سپری کی تازہ رپورٹ کے مطابق ا?سڑیلیا2017 میں چوتھے مقام پر تھا جبکہ 2018ءمیں یہ دنیا کا ہتھیار خریدنے والا دوسرا بڑا ملک بن گیا ہے۔ اے بی سی نیوز چینل کی رپورٹوں کے مطابق آسٹریلیا نے 50 ارب ا?سٹریلیائی ڈالر مالیت کے جنگی جہاز اور اآبدوزیں خریدی ہیں۔
آسٹریلیائی حکومت کے مطابق انہیں علاقائی خطرے کے باعث ہتھیاروں کی درآمدات میں اضافہ کرنا پڑا ہے۔ اس فہرست میں سعودی عرب اب بھی پہلے نمبر پر ہے۔ سعودی عرب خطے میں اپنی برتری قائم کرنا چاہتا ہے اور اس نے اسی وجہ سے حالیہ چند برسوں سے ہتھیاروں کی خریداری میں اضافہ کر رکھا ہے۔ سعودی عرب ہمسایہ ملک یمن میں بھی فوجی کارروائیاں جاری رکھے ہوئے ہے اور اسے یمنی حوثی باغیوں کے مسلسل حملوں کا سامنا ہے۔
رپورٹ کے مطابق 2017 میں چین ہتھیار خریدنے والے ممالک کی فہرست میں چھٹے نمبر پر تھا لیکن2018 میں یہ تیسرے مقام پر آ گیا ہے۔
چین اور پاکستان کا ہمسایہ ملک ہندوستان دوسرے نمبر سے چوتھے نمبر پر آ گیا ہے۔جو ممالک ہتھیار فروخت کر رہے ہیں، ان میں سرفہرست امریکہ ہے جبکہ دوسرے نمبر پر روس ہے۔ ان کے بعد فرانس اور جرمنی دو ایسے یورپی ممالک ہیں، جو ہتھیاروں کی برآمدات جاری رکھے ہوئے ہیں۔ یہ دونوں ممالک بالترتیب تیسرے اور چوتھے نمبر پر فائزہیں۔ پانچویں نمبر پر اس مرتبہ اسپین آیا ہے۔ 2017میں ہتھیار برآمد کرنے والے ممالک کی فہرست میں یہ نویں نمبر پر تھا۔
