نئی دہلی۔ ہندوستان میں گزشتہ 24 گھنٹوں کے دوران ہلاکت خیز عالمی وباکورونا وائرس سے15 ہزار سے زیادہ مریض صحت یاب ہو ئے ہیں۔دریں اثنا پیرکو ملک میں64 لاکھ75 ہزار 733 افراد کو کورونا سے بچاؤ کے ٹیکے لگائے گئے اور اب تک ایک ارب 20 کروڑ سے زائد افراد کووڈ ویکسین لگائی جا چکی ہے ۔منگل کی صبح مرکزی وزارت صحت کی طرف سے جاری کردہ تازہ ترین اعداد و شمارکے مطابق گزشتہ24 گھنٹوں میں کورونا کے 12428 نئے معاملات سامنے آنے کے ساتھ ہی متاثرین کی تعداد بڑھ کر تین کروڑ 42 لاکھ 2 ہزار202 ہوگئی ہے ۔ اس دوران 15 ہزار951 مریضوں کے صحت یاب ہونے کے بعد اس وباکو شکست دینے والے افراد کی مجموعی تعداد3 کروڑ35 لاکھ83 ہزار318 ہوگئی ہے ۔ فعال معاملات 3879 سے گھٹ کر ایک لاکھ 63 ہزار816 رہ گئے ہیں۔ اسی عرصے میں356 مریضوں کی موت کے بعد ہلاکتوں کی تعداد چارلاکھ 55 ہزار68 ہوگئی ہے ۔ ملک میں فعال معاملات کی شرح 0.48 فیصد، صحت یابی کی شرح98.19 فیصد اوراموات کی شرح1.33 فیصد پررہ گئی ہے ۔
ریاست کیرالہ اس وقت کورونا وائرس کے فعال معاملوں کے لحاظ سے ملک میں پہلے نمبر پر ہے ۔ ریاست میں پچھلے 24 گھنٹوں میں2627 فعال معاملوں کی کمی کے ساتھ اب ان کی تعداد75,337 رہ گئی ہے ۔ اس کے ساتھ ہی 9010 مریضوں کے صحت یاب ہونے سے کورونا کو شکست دینے والوں کی تعداد بڑھ کر4817785 ہوگئی ہے ۔ اسی عرصے میں281 مریضوں کی موت کے بعد ہلاک ہونے والوں کی مجموعی تعداد بڑھ کر28,873 ہو گئی ہے ۔ریاست مہاراشٹر میں کورونا وائرس کے فعال معاملے گھٹ کر26,797 رہ گئے ہیں جبکہ مزید12 مریضوں کی موت کے بعد مرنے والوں کی تعداد1,40028 ہو گئی ہے ۔ اس کے ساتھ ہی کورونا سے صحتیاب ہونے والوں کی تعداد 1586 سے بڑھکر6437025 ہوگئی ہے ۔
