نئی دہلی۔ ہندوستان میں گذشتہ 24 گھنٹوں میں کورونا کے 9195 نئے معاملات سامنے آئے ہیں اور اس کے ساتھ ہی متاثرین کی تعداد بڑھ کر 34808886 ہو گئی ہے ۔اس دوران 302 مریضوں کی موت ہو چکی ہے اور اب تک اس وبا سے ہلاک ہونے والوں کی تعداد 480592 ہو گئی ہے ۔منگل کو ملک میں 64 لاکھ61 ہزار321 کووڈ ویکسین دی گئی اور اسی کے ساتھ مجموعی طور پر ٹیکہ کاری ایک ارب 43 کروڑ 15 لاکھ 35 ہزار 641 ہو گئی ہے ۔
چہارشنبہ کی صبح صحت اور خاندانی بہبود کی مرکزی وزارت کی طرف سے جاری ، اعداد و شمار کے مطابق ملک میں اب تک کورونا کے نئے اومی کرون کے جملہ 781 معاملات درج کیے گئے ہیں۔ گذشتہ 24 گھنٹوں میں 7 ہزار347 مریض صحتیاب ہونے کے بعد اس وبا سے صحت پانے والوں کی تعداد 3 کروڑ 42 لاکھ 51 ہزار292 ہو گئی ہے ۔ اس دوران فعال مریض 1576 سے بڑھ کر 77002 ہو گئے ۔
ملک میں صحت یابی کی شرح 98.40 فیصد ہے ، فعال معاملات کی شرح 0.22 فیصد ہے اور اموات کی شرح 1.38 فیصد تک پہنچ گئی ہے ، اس وقت ملک میں سب سے زیادہ فعال معاملات کیرالہ میں ہیں۔ یہاں گزشتہ 24 گھنٹوں میں فعال معاملات 822 کم ہوکر21086 ہو گئے ہیں۔ ریاست میں 3052 مریضوں کے صحت یاب ہونے کے ساتھ ہی کورونا سے صحت یاب ہونے والے لوگوں کی تعداد بڑھ کر 5171080 ہوگئی ہے ۔ اس دوران مزید 244 مریضوں کی موت کے بعد مرنے والوں کی تعداد 47066 ہو گئی ہے ۔ گزشتہ 24 گھنٹوں میں کیرالہ میں کورونا کی وجہ سے سب سے زیادہ اموات ہوئی ہیں۔
مہاراشٹر میں اس عرصے میں 1,052 فعال معاملات کے اضافے کے ساتھ، ان کی کل تعداد بڑھ کر15179 ہوگئی ہے ، جب کہ مزید 22 مریضوں کی موت سے مرنے والوں کی تعداد بڑھکر141476 ہوگئی ہے ۔ اس کے ساتھ ہی 1098 مزید مریضوں کے کورونا سے نجات پانے کے ساتھ ہی ان کی جملہ تعداد 6504831 ہو گئی ہے ۔
