نئی دہلی ۔ ہندوستانی وزیر اعظم نریندر مودی کو اپنی کرسی بچانے کی اتنی فکر ہوگئی ہے کہ انہوں نے اب انتھک محنت کرنے کی ٹھان لی ہے یہ ہی وجہ ہے کہ آئندہ دو دنوں میں 4 ریاستوں میں درجنوں ریالیوں سے خطاب کریں گے۔ انتخابات میں اپوزیشن کے سخت چیلنج اور ایک ایک نشت حاصل کرنے کی خواہش اور ضرورت نے بی جے پی کے لئے انتخابی حکمت عملی بنانے والوں نے اترپردیش ، مہاراشٹرا، بہار اور مغربی بنگال میں خوصی مہم کا خاکہ تیار کیا ہے ۔ان چاروں ریاستوں میں جملہ 210 لوک سبھا نشتیں ہیں۔
اترپردیش میں 80 ، مہاراشٹر میں 48 ، مغربی بنگال میں42 اور بہار میں 40 لوک سبھا نشتیں ہیں۔ مودی اترپردیش میں کم از کم 20 ریلیوں سے خطاب کریں گے جبکہ بہار اور مغربی بنگال میں فی کس 10ریلیوں میں اپنے خیالات کا اظہار کریں گے ۔ مہاراشٹر میں 10سے 12ریلیاں کرنے کا منصوبہ ہے جہاں بی جے پی کو شیوسینا کے ساتھ مل کر 2014 جیسی کامیابی حاصل کرنے کی امیدہے ۔ مودی جمعرات کو جموں وکشمیر، اتراکھنڈ اور اترپردیش میں ریالیوں کو مخاطب کریں ۔ ان کے علاوہ جموں ،ردرپور اور میرٹھ میں ریلیوں سے خطاب کریں گے ۔
میرٹھ کی ریلی 8 لوک سبھا علاقوں پر مشتمل ہے جن کے لئے پارٹی کے امیدواروں کے ناموں کا اعلان کیاجاچکا ہے ۔ان نشتوں پر پہلے مرحلے میں11 اپریل کو رائے دہی ہوگی۔ جموں میں دوسرے مرحلے میں 18اپریل کو رائے دہی ہوگی جبکہ اودھم پور میں 11اپریل کو ووٹ ڈالے جائیں گے ۔ مودی 29مارچ کو اڈیشہ کے کورا پٹ ،تلنگانہ کے محبوب نگر اور آندھرا پردیش کے کرنول میں ریلیوں سے خطاب کریں گے ۔
