نئی دہلی: ایودھیا کیس سے متعلق سپریم کورٹ کے فیصلے سے قبل کسی بھی ناخوشگوار واقعہ کو ٹالنے کے لئے ضلع انتظامیہ نے ایودھیا میں 10دسمبر تک دفعہ 144نافذ کر دیا ہے۔ایودھیا کے ڈی ایم کے جاری کردہ حکم کے مطابق،شہر میں چار سے زیادہ افراد کے جمع نہیں ہوسکتے ہیں۔اس کے ساتھ ہی،ضلع میں ڈرون کے استعمال پر کسی بھی طرح کی فلمی ریکارڈنگ پر پابندی عائد کردی گئی ہے۔
واضح ہوکہ،سپریم کورٹ بنچ نے اس معاملے میں عدالتی کارروائی مکمل کرنے کے لئے وقت کے حد کا جائزہ لیا تھا اور اس کے لئے 17اکتوبر کی حد مقرر کی تھی۔دسہرہ کی ہفتہ بھر کی تعطیل کے بعد،ایودھیا کے رام جنم بھومی بابری مسجد اراضی تنازعہ کیس کی سماعت سپریم کورٹ میں پیر کو آخری مر حلہ میں داخل ہوگی اور عدالت کا آئین بنچ38ویں دن اس کیس کی سماعت کرے گا۔بتادیں کہ سپریم کورٹ 17نومبر کو مذکورہ ایودھیا اراضی کیس میں اپنا فیصلہ سنانے والی ہے،جو چیف جسٹس رنجن گوگوئی کی خد مات کا آخری دن ہے۔
چیف جسٹس رنجن گوگوئی کی سربراہی میں پانچ ججوں کے آئین بنچ نے ثالثی کے عمل کو اس پیچیدہ مسئلہ کا قابل فخر حل تلاش کرنے میں ناکام ہونے کے بعد 6اگسٹ سے کیس کی روزانہ سماعت کا آغاز کیا۔الہ آباد ہائی کورٹ کے 2014کے فیصلے کے خلاف سپریم کورٹ 14اپیلوں کی سماعت کر رہی ہے۔
الہ آباد ہائی کورٹ نے اپنے اس فیصلہ میں ایودھیا کی 2.77ایکڑ اراضی کو تین فرقوں یعنی سنی وقف بورڈ،نر موہی اکھاڑہ اور رام جنم للا میں مساوی طور پر تقسیم کر دیا تھا۔
