حیدرآباد۔ بلدی انتظامیہ اور شہری ترقی کے وزیر کے ٹی راما راؤ نے کہا کہ ریاستی حکومت شمش آباد ایرپورٹ پر میٹرو ریل رابطے کی تجویز پر کام کر رہی ہے۔ انہوں نے کہا کہ شہر کے گنجان آباد علاقوں میں ٹریفک کو کم کرنے کے لئے ای بی آر ٹی ایس (ایلیویٹٹ بس ریپڈ ٹرانسپورٹ سسٹم) پر کام بھی جاری ہے۔
عوام کے ساتھ ٹویٹر پر بات چیت کرتے ہوئے راما راؤ نے حیدرآباد میں عوامی طور پر بہتر نقل و حمل اور انفراسٹرکچر کے ضمن میں مثبت جوابات دیئے ، خاص طور پر کوکٹ پلی ، ہائ ٹیک سٹی اور گچی باؤلی جیسے حیدرآباد میٹرو ریل کی توسیع کے خواہاں خدمات ان کے موضوعات میں سرفہرست رہے۔
انہوں نے کہا کہ ای بی آر ٹی ایس ان مسائل کو حل کرے گی اور یقین دلایا کہ میٹرو ریل خدمات جلد ہی پرانے شہر تک بڑھا دی جائیں گی۔علاوہ ازیں وزیر نے 90 منٹ کے اجلاس کے دوران شہر میں بنیادی ڈھانچے کو بہتر بنانے کے لئے ریاستی حکومت کے مختلف اقدامات کے بارے میں وضاحت کی۔ انہوں نے اعتراف کیا کہ شہر میں بڑھتی آبادی کے سلسلے میں لوگوں کی تشویش ہے کہ ٹریفک میں اضافہ ، جنگلات کی کٹائی ، پانی کی بہتر فراہمی اور دیگر بنیادی ڈھانچے بہتر ہونے چاہیئے ۔ انہوں نے کہا ہم مزید انفراسٹرکچر ، عوامی ٹرانسپورٹ کے بہتر حل اور مضافاتی علاقوں میں مستقبل میں ترقی کے لئے کوشش کر رہے ہیں۔
راما راؤ نے کہا کہ شہرکی ترقی ریاستی حکومت کے لئے ایک اولین ترجیح ہے اور نیا میونسپل ایکٹ یقینی بناتا ہے کہ ہر میونسپلٹی کا کم از کم 10 فیصد بجٹ گرین ایکشن پلان کے لئے مختص کیا گیا ۔ پیدل چلنے والوں کی پریشانیوں کے خاتمے کے لئے ریاستی حکومت حیدرآباد شہر میں 50 سے زائد فٹ اوور پل (ایف او بی) اور اسکائی واکس کا منصوبہ رکھتی ہے۔
انہوں نے کہا کہ ایل بی نگر فلائی اوور میں سے ایک کام پہلے ہی مکمل ہوچکا ہے اور مزید تین کام جلد از جلد مکمل کرلئے جائیں گے۔ان سوالات کے جواب میں کہ حیدرآباد کے مغربی علاقوں میں اب بھی ترقی کیوں محدود ہے ، وزیر نے کہا کہ ریاستی حکومت نئی پروجیکٹس کو نئی لک ایسٹ پالیسی کے ذریعہ اڈی بٹلہ اور اوپل جیسے علاقوں میں ترقی کے لئے پوری کوشش کر رہی ہے اور انہیں اچھا ردعمل مل رہا ہے۔
حیدرآباد کو ایک بہتر سیاحتی مقام بنانے کے ضمن میں انہوں نے کہا کہ حکومت نے چارمینار اور گولکنڈہ کو عالمی ثقافتی ورثہ کا درجہ حاصل کرنے کی کوششوں سمیت تین بڑے فیصلے شروع کیے۔سیاحوں کے پرکشش مقامات کے مراکز میں صفائی کی بحالی کی نجکاری پہلے ہی کر چکے ہیں۔ ہم یورپ اور امریکہ کے لئے براہ راست ایئر لائن رابطے کو بہتر بنانے پر بھی کام کر رہے ہیں۔
راما راؤ نے حیدرآباد کو بین الاقوامی شہر میں ترقی دینے کے لئے جاری کئی منصوبوں کے خلاف غلط فہمیوں اور الزامات کا سخت ردعمل دیا۔ انہوں نے نشاندہی کی کہ عالمی مشاورتی رہنما میرسر انڈیا نے حیدرآباد کو عالمی تناظر میں ایک شاندار شہر کا درجہ دیا ہے اور 2014. سے مسلسل 5 سالوں میں حیدرآباد میں زندگی کا معیار کافی شاندار ہے۔ انہوں نے ریاستی دارالحکومت میں پانی کی شدید قلت کے اضافے کے دعووں کو بھی مسترد کردیا اور کہا کہ حیدرآباد کو کالیشورام آبپاشی پراجکٹ کی کامیابی سے تکمیل کے بعد پانی کی قلت کے مسئلے کو ختم کرتے ہوئے ہندوستان کے چند بہترین شہروں میں سے ایک شہر حیدرآباد کو فہرست میں شامل کرلیا گیا ہے ۔
انہوں نے اسٹریٹجک روڈ ڈویلپمنٹ پلان (ایس آر ڈی پی) کے لئے کسی مالی بحران کی بھی تردید کی اور کہا کہ یہ حیدرآباد کے مستقبل کے بنیادی ڈھانچے کی ضرورت کے لئے ایک اہم مرکز ہے۔راما راؤ نے کہا کہ سڑک کی بحالی کا ایک جامع پروگرام شروع کیا گیا ہے اور لوگ جلد ہی روڈ رابطہ میں بہتری دیکھیں گے۔
