نئی دہلی ۔ شادیوں کے دوران اکثر ایک رسم منائی جاتی ہے اور اس رسم کو بالی ووڈ کی مشہور فلم ہم آپ کے ہیں کون میں سلمان خان اور مادھوری ڈکشٹ پر فلمایا گیا تھا جس کے بول پیسے دو جوتے لو تھے لیکن یہ ہی رسم ایک تلخ یاد میں اس وقت تبدیل ہوگئی جب دلہے نے بار بار اصرار پر جوتے واپس نہ کرنے پر سالیوں کی نہ صرف پٹائی کردی بلکہ شادی بھی ختم کرنے کا فیصلہ کرلیا تھا لیکن دلہن والوں نے اس کی منت سماجت کرنے کے علاوہ اسے زائد 10 لاکھ جہیز دئے جس کے بعد اس نے شادی کی۔
شادی کی یہ رسم شادی والے دن دلہن کی بہنیں اپنے بہنوئی کے جوتے چوری کرتی ہیں اور رقم کا تقاضا کرتی ہیں، یہ رسم ہندوستان کے علاوہ پڑوسی ممالک سمیت دیگر ممالک میں بھی رائج ہے۔ اسی حوالے سے ایک دلچسپ خبر نے سب کو حیرت میں ڈال دیا ہے، یہ خبر ہندوستان کی ہی ہے جہاں پر دلہے کے جوتے کے عوض رقم کے تقاضا کرنے پر دلہے نے دلہن کی بہنوں کو تھپڑ رسید کر دیئے اور شادی سے انکارکر دیا۔
تفصیلات کے مطابق شادی میں دلہے کا جوتا چھپانے کی رسم خاندان کو اس وقت مہنگی پڑ گئی جب دلہے نے خود شادی سے انکار کر دیا اورکچھ دلہن والوں کی طرف کی خواتین کو زدوکوب بھی کیا گیا۔
واقعہ اترپردیش کے مظفر نگر ضلع کے سیسولی گاوں میں پیش آیا۔ یہ واقعہ اس وقت شروع ہوا جب دلہے کے ہونے والے سالیوں نے دولہے کا جوتا چھپالیا اوراس کے بدلے میں رقم کا مطالبہ کرنے لگیں۔ دلہے نے کئی مرتبہ جوتا واپس لوٹانے کا مطالبہ کیا لیکن اسکی ہونے والی سالیوں نے بغیر رقم اداکئے جوتا دینے سے انکارکردیا۔
22سالہ وویک کمار نے غصہ میں آکر اپنی ہونے والی سالیوں کومارنا پیٹنا شروع کر دیا۔ دلہا دولہن کے رشتہ دار دلہے کو خاموش کروانے کی کافی کوششکی لیکن شدید غصہ میں دلہا نے دلہن کے کسی بڑے رشتہ دارکو تھپڑ رسیدکردیا۔
اس کے بعد دلہے نے شادی کرنے سے انکار تک کردیا۔ کئی آدمیوں پر مشتمل بارات کو واپس بھیج دیا گیا۔ معاملہ کو ٹھنڈا کروانے کے لیے پولیس سے مدد لینی پڑی۔ اسی دوران دلہن والوں نے دس لاکھ روپے نقد رقم بطور جہیز دینے کی پیشکش کی اورشادی نہ توڑنے کی خواہش ظاہرکی۔ جس پر دلہا اور اس کے رشتہ داروں نے قبول کرلیا۔
اسٹیشن ہاوس آفیسر وریندر کسانا نے اس واقعہ پر کہا کہ ہمیں کسی کی بھی جانب سے کوئی شکایت موصول نہیں ہوئی۔ دلہا اور دلہن کے رشتہ داروں نے پولیس اسٹیشن کے باہر ہی معاملہ سلجھالیا۔
