نیویارک ۔ امریکی صدر ڈونالڈ ٹرمپ ایران کے خلاف جنگ کے ہر بہانے کا فائدہ اٹھانے کے خواہاں ہے اور کسی بھی بہانے سے وہ ایران کے خلاف جنگ کرنا چاہتے ہیں لیکن امریکی عوام ایران سے جنگ کے خلاف ہے۔ امریکہ کے شہر نیویارک میں سینکڑوں افراد نے سڑکوں پر اتر کر مظاہرہ کرتے ہوئے ایران کے خلاف کسی طرح کی فوجی کارروائی نہ کرنے اور اس کے ساتھ امن قائم کئے جانے کا مطالبہ کیا۔
تفصیلات کے مطابق عوام نے ہاتھ میں تختیاں لئے ہوئے امریکی قیادت سے ایران کے خلاف کسی طرح کی فوجی کارروائی نہ کرنے ، اس کے خلاف جنگ سے متعلق کسی قسم کی پابندی عائد نہ کئے جانے اور خلیجی ملک کے ساتھ کشیدگی کم کرکے امن وامان کے لئے بات چیت کرنے کامطالبہ کیا ۔ مظاہرین نے میڈیا سے کہا ہم کشیدگی کم کرنے کی کوشش کر رہے ہیں، ہم امن پسند ہے ، ہم ایران کے خلاف جنگ نہیں چاہتے ہیں اور سچ تو یہ ہے کہ ہم دنیا کے کسی ملک کے ساتھ جنگ کے خلاف ہیں ۔ امن ہمارے لئے سب سے اہم چیز ہے ۔مظاہرین نے یہاں فولی اسکوئر کے نزدیک جمع ہو کر نعرے بازی کی ۔جنگ اور خوف کا نام و نشاں مٹے ، یہی ہمارا مطالبہ ہے ۔
اس موقع پر بڑی تعداد میں پولیس تعینات کئے گئے تھے ۔امریکی حملے میں حال ہی میں ایران کے اعلیٰ فوجی کمانڈر قاسم سلیمانی کی ہلاکت کے بعد امریکی عوام نے اس کے خلاف ملک بھر میں اب تک 360 سے زائد ریلیاں نکالی ہیں اورتازہ یہ ریلی اسی کڑی کا حصہ تھی ۔ مظاہرین نے کہا ہمارے ملک نے ایران کے خلاف بڑا قدم اٹھاتے ہوئے اس کے اعلیٰ فوجی کمانڈرکو مارا ہے ۔ اب گیند امریکہ کے پالے میں ہے ۔ ہمیں اب انتقام نہیں لینا چاہئے۔
ایران نے چہارشنبہ کو سلیمانی کے قتل کا بدلہ لیتے ہوئے عراق میں واقع دو امریکی فوجی مراکز پر میزائل داغے تھے ۔ ان حملوں میں دونوں اطراف کسی جانی نقصانات کی اطلاع نہیں ہے ۔ حالانکہ ایران نے پہلے کہا تھا کہ حملے میں کم ازکم80 امریکی فوجی ہلاک ہوئے ہیں ۔ امریکی صدر ڈونلڈ ٹرمپ نے حملے کے فورا بعد ٹویٹ کر کے کہا سب کچھ ٹھیک ہے ۔ حملے میں ہمارا کوئی فوجی ہلاک نہیں ہوا ہے ۔ ٹرمپ نے قوم سے خطاب کرتے ہوئے ایران کے خلاف فوری طور پر نئی پابندیاں عائد کئے جانے کا اعلان کرتے ہوئے کہا کہ جب تک وہ صدر ہیں گے ایران نیوکلیائی ہتھیار نہیں بنا سکتا ۔
