تلنگانہ انٹرمیڈیٹ اڈوانس سپلیمنٹری امتحانات کے جمعہ کو نتائج

حیدرآباد۔ انٹرمیڈیٹ پبلک اڈوانس سپلیمنٹری امتحانات منعقدہ مئی 2018 (جنرل ؍ووکیشنل)کے نتائج جمعہ کو 10:00 بجے دن جاری کئے جائیں گے۔ اسپیشل چیف سکریٹری محکمہ اعلیٰ تعلیم مسٹر رنجیو آر آچاریہ کل 10:00 بجے دن تلنگانہ اسٹیٹ بورڈ آف انٹرمیڈیٹ کے دفتر واقع نامپلی حیدرآباد میں جاری کریں گے۔ سرکاری طور پر نتائج کی اجرائی کے بعد مختلف ویب سائٹس بشمول https://tsbie.cgg.gov.in; www.bie.telangana.gov.in پر ملاحظہ کئے جاسکتے ہیں۔سکریٹری تلنگانہ اسٹیٹ بورڈ آف انٹرمیڈیٹ ڈاکٹر اے اشوک نے بتایا کہ جونیر کالجوں کے پرنسپالس http://admi.tsbie.cgg.gov.in سائٹ پربورڈ کی جانب سے انہیں فراہم کردہ یوزر آئی ڈی اور پاس ورڈ استعمال کرتے ہوئے اپنے اپنے کالجوں کے نتائج ملاحظہ کرسکتے ہیں۔