خلیجی ممالک میں کورونا سے 72 فیصد افراد صحت یاب

دبئی: خلیجی ممالک کے ادارہ شماریات نے کہا ہے کہ  جی سی سی ملکوں میں نئے کورونا وائرس سے صحت یاب ہونے والوں کا تناسب  72 فیصد تک پہنچ گیا ہے۔ ویب سائٹ کے مطابق ادارہ شماریات نے ٹو ئٹر پر بیان میں کہا کہ رواں ہفتہ تک خلیجی ملکوں میں متاثرین کی  جملہ  تعداد 4 لاکھ 18 ہزار 152 تک پہنچ گئی- ان میں سے 303964 صحت یاب ہوگئے۔

ایس پی اے کے مطابق سعودی عرب میں  شفایاب افراد کی تعداد 2589 رہی اور کل صحت یاب افراد کی تعداد 120471 ہوگئی۔ امارات میں کورونا میں مہلک وائرس سے شفا پانے والوں کی کل تعداد 35469 تک پہنچ گئی ہے۔

علاوہ ازیں  سلطنت عمان میں کورونا سے متاثرین کی جملہ  تعداد 36034 اور شفایاب افراد کی جملہ  تعداد 19482 ریکارڈ کی گئی ہے۔

کویت میں کورونا وائرس سے کل متاثرین 43703 ہوگئے ہیں جبکہ شفایاب افراد کی تعداد 33969 تک پہنچ چکی ہے۔