حیدرآباد ۔ ملازمت کچھ بھی لیکن شوق اپنی جگہ زندہ رہتا ہے اور دنیا میں کئی ایسے لوگ موجود ہیں جن کا شوق اور پیشہ سکہ کے دو مختلف رخ ہوتے ہیں ایسے ہی افراد میں شامل ڈاکٹر نمرتا روپانی ہیں جن کا پیشہ طب ہے تو ان کا شوق فوٹوگرافی ہے اور وہ ان دونوں شعبوں میں توازن برقرار رکھتی ہیں۔
حیدرآباد میٹرو ریل کی تعمیر کو تاریخ کے لمحات کے طور پر دستاویزی تصاویر میں قید کرنے والے ڈاکٹر نمرتا نے کہا ہے کہ میں ایک خود ساختہ فوٹوگرافر ہوں ، مجھے کچھ اچھی آن لائن فوٹوگرافی کی ویب سائٹ ملی جن سے فوٹو گرافی سیکھنے اور سمجھنے میں مدد ملی۔حیدرآباد میٹرو ریل کی تعمیر کو فوٹوگرافی کے ذریعہ دستاویزات میں محفوظ کرنے والی نمرتا کی تصاویر کی نمائش میروٹ ہوٹل میں ہوچکی ہے۔
انہوں نے اپنے کام کی وضاحت کرتے ہوئے کہا میں ابتدائی طور پر علاقوں کا جائزہ لیتی ہوں اور میں یہ بھی نشان بنا لیتی ہوں کہ کس جگہ سے تصویر لینی ہے اور جہاں سے مجھے اچھانظارہ مل سکتا ہے وہاں سے میں تصویر لیتی ہوں ۔مزید کہا کہ انہوں نے اوپل ، جوبلی ہلز روڈ نمبر 36 کے میٹرو اسٹیشنوں پر توجہ دی ہے۔ ، نامپلی اور معظم جاہی مارکیٹ پر بھی انکی خاص توجہ تھی ۔ ڈاکٹر نمرٹا کو فیئر لیس فوٹوگرافروں انڈیا نے نمایاں کیا ہے ، ایک ایسا فورم جو دنیا بھر کے بہترین شادی کے فوٹوگرافروں کے کام کو اجاگر کرتا ہے۔ اس نے پہلے ہی ملائشیا اور بحرین میں متعدد دیگر بین الاقوامی ایونٹ کے علاوہ ٹینس اسٹار سائنا نہوال کی شادی سمیت 100 سے زیادہ شادیوں کی تقاریب کو تصاویر میں قید کیا ہے ۔
اپنے شوق کو پیشہ ور زاویہ دینے کےلئے ڈاکٹر نمرتا نے بنجارہ ہلز میں روڈ نمبر 12 پر ایک کمپنی ، کیپ چر لائف قائم کی ہے۔ تین عمودی کاروباری ذمہ داریوں دانتوں کا ایک دواخانہ ، فوٹو گرافی کی خدمات اور عمدہ آرٹ پرنٹ خدمات یہاں ایک ہی چھت قائم کردیا گیا ہے ۔
