دبئی ۔ویراٹ کوہلی اور مہندر سنگھ دھونی کے درمیان جو ہمدردی اور بھائی چارہ ہے وہ کرکٹ کے میدان سے باہر بھی ہے۔ یہ دونوں کرکٹ کے کھلاڑی ایک دوسرے کے لیے بے پناہ احترام رکھتے ہیں۔ رائل چیلنجرز بنگلور اور چینائی سوپر کنگز کے درمیان مقابلے میں ٹاس سے پہلے ہی جو کہ ریت کے طوفان کی وجہ سے تاخیر کا شکار ہوا ، کوہلی اور دھونی ایک دوسرے کے ساتھ لمبی اور خوشگوار بات چیت کرتے ہوئے دیکھے گئے اور یہ سب کچھ یہیں ختم نہیں ہوا ۔ یہاں تک کہ میچ کے بعد کوہلی کو دھونی کے پاس جاتے ہوئے اوراپنے سابق کپتان کو گلے لگاتے ہوئے دیکھا گیا ، اور نیٹیزین اس تصویر کو کافی پسند کیا ہے ۔مقابلے کے بعد کوہلی کی جانب سے دھونی کو پیچھے سے گلے لگانے کی یہ تصویر اس وقت سوشل میڈیا پر عوام میں کافی پسند کی جارہی ہے ۔
چینائی سوپر کنگز نے رائل چیلنجرز بنگلور کو 6 وکٹوں سے شکست دی۔ جہاں تک میچ کا تعلق ہے ، چینائی سوپر کنگز کی ٹیم نےکو رائل چیلنجرز بنگلو کو 6 وکٹوں کے ساتھ آرام سے شکست دی۔ بنگلور کی ٹیم نے پہلے بیٹنگ کرتے ہوئے بورڈ پر 156/6 کا اسکور پوسٹ کیا۔ بنگلور کے لیے دیو دت پڈکل اور بیٹنگ لیجنڈ ویرات کوہلی نے اہم کردار ادا کیا۔ جب پڈککل نے 50 گیندوں پر 70 رنز بنائے ، کوہلی نے 129.26 کے اسٹرائیک ریٹ سے کلاسک 53 بنائے ۔ ڈوین براوو نے گیند سے چینائی سوپر کنگز کے لیے 3 وکٹیں حاصل کیں۔ جواب میں چینائی سوپر کنگز نے ہدف کو آسانی سے عبور کر لیا۔ چینائی سوپر کنگز کے اوپنرز ، فاف ڈو پلیسی اور رتراج گائیکواڈ نےپہلی وکٹ کے لیے 71 رنز کی عمدہ شراکت قائم کی ، جس کے بعد معین علی (23) اور امباتی رائیڈو (32) نے مفید شراکت کی۔ سریش رائنا اور ایم ایس دھونی کی تجربہ کار جوڑی نے پھرکسی نقصان کے بغیر کے کامیابی حاصل کرلی ۔
رائنا نے 170 کے اسٹرائیک ریٹ پر ناقابل شکست 17 رنز بنائے جبکہ کپتان ایم ایس دھونی نے 11*رنز بنائے۔ سی ایس کے کی ٹیم آئی پی ایل پوائنٹس ٹیبل میں سرفہرست ہے اور اب اس نے ٹورنمنٹ میں کھیلے گئے 9 میں سے 7 میچ جیتے ہیں۔ دوسری طرف ، آر سی بی سائیڈ کو تیسرے نمبر پر رکھا گیا ہے۔ سی ایس کے کا اگلا مقابلہ 26 ستمبر 2021 کو کولکتہ نائٹ رائیڈرز (کے کے آر) سے ہوگا ، جبکہ آر سی بی تنظیم اسی دن ممبئی انڈینز (ایم آئی) تنظیم کے ساتھ سینگ بند کرے گی۔
