حیدرآباد ۔بالی ووڈ کی ابھرتی اور خوبصورت اداکارہ کیارا اڈوانی جو اس وقت سب سے زیادہ مصروف ہیں کیونکہ وہ بیک وقت کئی فلموں میں کام کررہی ہیں اور شوٹنگ کےلئے وہ ہر ہفتہ ہندوستان کے مختلف شہروں میں نظر آرہیں ہیں ، شنکر کی ہدایت کاری میں بننے والی فلم آر سی15 کی شوٹنگ میں مصروف ہیں ۔ تازہ ترین خبر یہ ہے کہ کیارا، جو اس وقت بالی ووڈ کی مصروف ترین اداکارہ میں سے ایک ہیں، رام چرن شنکر کی فلم کی شوٹنگ شروع کرنے کے لیے حیدرآباد پہنچ گئی ہیں۔ ایک ذریعہ نے انکشاف کیا ادکارہ کیارا چند مہینوں سے ایک کے بعد ایک اپنی فلموں کی شوٹنگ مکمل کر کے بغیر کسی وقفہ کے کام کر رہی ہیں۔کیارا نے سب سے پہلے بھول بھولیا 2، جگ جیو اور گووندا نام میراکی شوٹنگ مکمل کرنے کےلئے ممبئی اور پانڈیچیری میں مصروف تھی اور اب مصروف اداکارہ جگ جگ جیو سے ایس شنکر کی آر سی 15 تک کی شوٹنگ مکمل کرنے جا رہی ہیں جس کےلئے وہ اب حیدرآباد میں ہیں ۔ نومبر کے آخر تک حیدرآباد میں اس شوٹنگ مکمل کرنے کے بعد دسمبر کے اوائل سے وہ جگ جگ جیو کا آخری مرحلہ شروع کرنے والی ہیں ۔ آرسی 15 فلم ایک ایکشن انٹرٹینر ہے، جسے دل راجو نے سری وینکٹیشور کریشنز کے بینر کے تحت تیار کیا ہے۔
مختلف فلموں میں مصروف ہونے کے باوجودکیارا کانام کٹرینہ کی شادی کے مہمانوں کی فہرست میں بھی شامل ہے ۔دسمبر میں وکی کوشل اور کٹرینہ کیف کی شادی ہونے جا رہی ہے۔ یہ تقریب جے پور راجستھان میں سوائی مادھوپور کے سکس سینس لگژری ہوٹل میں ہوگی۔ وکی اور کترینہ کی ٹیم پہلے ہی اس جگہ کو مختص کرچکے ہیں اور رسد کا پتہ لگا رہی ہے، جس کی وجہ سے شہر میں کرائے کی کاروں کی کمی ہے۔ دریں اثنا، کٹرینہ اور وکی، جو ابھی تک اپنے بڑے دن کے بارے میں خاموش ہیں اور مبینہ طور پر ابھی تک شادی کے باضابطہ دعوت نامے نہیں بھیجے ہیں لیکن فلمی خبری نے خصوصی طور پر ان کی انتہائی خفیہ مہمانوں کی فہرست کے بارے میں کچھ تفصیلات حاصل کی ہیں۔
پہلے ہی بتایا گیا ہے کہ نہ تو وکی کوشل اور نہ ہی کٹرینہ کیف نے ابھی تک شادی کے دعوت نامے نہیں بھیجے ہیں اور اس کی وجہ یہ ہے کہ کٹرینہ جو کہ بہت تنہائی پسند ہیں، اس بات سے پریشان ہیں کہ ان کی شادی کی خبریں میڈیا میں پہلے ہی ظاہر ہو چکی ہیں۔ پھر بھی جوڑے نے اپنے انڈسٹری کے دوستوں کو ہدایت دی ہے کہ وہ 7سے 9 دسمبر کے درمیان خود کو مصروف نہ رکھیں، جو شاید شادی کی عارضی تاریخیں ہیں۔ جوڑے کے قریبی دوست نے نام ظاہر نہ کرنے کی شرط پر کہا کہ یہ جوڑی انڈسٹری سے اپنے دوستوں اور سرپرستوں کو مدعو کرنے کا منصوبہ بنا رہی ہے ۔ اس فہرست میں کرن جوہر، علی عباس ظفر، کبیر خان اور منی ماتھر، روہت شیٹی، جوڑی سدھارتھ ملہوترا اور کیارا ایڈوانی، ورون دھون اور نتاشا دلال اور بہت سے دیگر افراد شامل ہیں۔
