ممبئی ۔ مچل مارش اور رشبھ پنت مسلسل باؤنڈری ماررہے تھے اور اس کے ساتھ دہلی کیپٹلس چینائی سوپر کنگز کی طرف سے دیے گئے بڑے ہدف کا تعاقب کرنے کے لیے آسان راہ اختیار کرچکی تھی لیکن معین علی کے کفایتی بولنگ کے ساتھ تین وکٹوں کے حصول نے کھیل کا رخ بدل دیا۔ آئی پی ایل 2022 کے 55ویں میچ میں دھونی کی ٹیم نے زبردست جیت حاصل کی۔ انگلینڈ کے آل راؤنڈر معین علی کا اب تک گرم اور ٹھنڈا سیزن گزرا ہے، لیکن وہ دہلی کے خلاف گیند کے ساتھ بہترین کارکردگی کا مظاہرہ کیا اور مقابلے کا نقشہ بدل دیا ۔
ایک بڑے ہدف کا تعاقب کرتے ہوئےدہلی نے اننگز کے دوسرے اوور میں کے ایس بھرت (8) کا وکٹ کھو دیا جو اوپنر کے طور پر پرتھوی شا کی جگہ کھیل رہے تھے۔ تاہم، ان کے اوپننگ پارٹنر ڈیوڈ وارنر نے رن ریٹ کو برقرار رکھنے کے لیے باؤنڈری اور چھکے لگائے۔ وارنر کے بلے سے رنز کے بہنے کے ساتھ چینائی سوپر کنگز کے کپتان دھونی نے مہیش تھیکشنا کو لایا اور اسپنر نے آسٹریلیائی کھلاڑی کو 19 رنز پر آؤٹ کر دیا، اوپنر ریورس پل کرنے کی کوشش میں ایل بی ڈبلو آوٹ ہوئے ،لیکن رشبھ پنت نے ایک ہی اوور میں تین چوکے لگائے جبکہ سمرجیت کو مارش نے چھکا اور پنت نے ایک چوکا لگایا۔ ان دونوں کے درمیان سات چوکے اور اکیلے چھ نے کیپٹلز کو 70 رنز کے ہندسے میں داخل ہوتے ہی مقابلہ دلچسپ ہونے لگا لیکن پھر معین علی کے ایک سنسنی خیز جادوئی بولنگ نے مقابلے کو چینائی سوپر کنگز کے حق میں کردیا ۔ مارش معین کی پہلی وکٹ تھی جیسا کہ آسٹریلیائی کھلاڑی نے لانگ آن پر ایک سلوگ کیا اور آوٹ ہوئے ، وہ 25 کے اسکور پر کیچ ہو گئے۔ آف اسپنر پھر اگلے ہی اوور میں واپس آئے اور پنت کو بولڈ کیا اور جلد ہی رپل پٹیل ڈیپ پر آؤٹ ہوگئے۔
جس کے بعد ٹیم 5 وکٹوں پر 81 رنز کے بحران میں پھنس گیا ۔ وہاں سے بازیابی اب بھی ممکن تھی لیکن اگلے اوور میں دوسرے سرے سے ڈبل وکٹ نے نتیجہ کو رسمی بنا دیا۔ کھیل کے بعد معین علی نے کہا کہ آف اسپنر کے طور پر ان کا بنیادی کام گیند کو اسپن کرنا ہے، اور اتوار کی استعمال شدہ وکٹ پر انہوں نے یہ کردیا ۔ انہوں نے مزید کہا کہ ہمیں معلوم تھا کہ ہمارے پاس موجود اسپنرز کے ساتھ یہ ایک اچھا اسکور ہو گا ۔جاری آئی پی ایل سیزن میں چینائی سوپر کنگز کی چوتھی جیت تھی اور وہ نیٹ رن ریٹ پر کے کےآر سے اوپر آٹھویں نمبر پر چلا گیا ہے۔ اس جیت نے پلے آف مقابلہ کے لیے چینائی سوپر کنگز کی امیدوں کو بھی زندہ رکھا ۔چینائی سوپر کنگز اب 12 مئی کو وانکھیڑے اسٹیڈیم میں سب سے نیچے کی ٹیم ممبئی انڈینس سے مقابلہ کرے گی۔
