بھوپال۔ مدھیہ پردیش کے گوالیار شہر میں جمعرات کو ایک زبردست احتجاج دیکھنے میں آیا جب 1000 سے زیادہ نوجوانوں نے سرکاری اور خانگی املاک کی توڑ پھوڑ کی، جس سے ریلوے اسٹیشنوں اور سڑکوں پر لوگوں میں خوف و ہراس پھیل گیا۔دوپہر 12.30 بجے کے قریب تشدد پھوٹ پڑا۔ گولے کا مندر نامی جگہ سے شہر کے کئی حصوں تک پہنچا، جس میں دو ریلوے اسٹیشن بھی شامل ہیں اور تشدد نے شہر میں ڈھائی گھنٹے سے زیادہ تباہی مچائی۔پولیس کو ہوائی فائرنگ کرنی پڑی ۔
مرکز کی اگنی پتھ بھرتی اسکیم کے خلاف احتجاج کے نام پر ہجوم نے شہر میں کئی مقامات پر سرکاری اور خانگی املاک کو نقصان پہنچایا۔ سڑکوں اور ریلوے اسٹیشنوں پر عوام تشدد سے بچنے کے لیے پناہ گاہ تلاش کرنا پڑی۔مظاہرین نے نہ صرف سڑکوں پر گاڑیوں کو نقصان پہنچایا بلکہ گوالیار ریلوے اسٹیشن میں گھس کر کھڑی ٹرین کو آگ لگادی ۔ مظاہرین نے کم از کم 6-7 ٹرینوں کی آمدورفت کو پٹریوں پر لکڑی کے درختوں، درختوں کی شاخوں اور دیگر ریلوے املاک کو رکھ کر روک دیا۔
نارتھ سنٹرل ریلوے (این سی آر) کے حکام کے مطابق، دہلی ۔گوالیار۔بھوپال راستے پر ریل ٹریفک جو قومی راجدھانی کو جنوبی اور مغربی ہندوستان سے ملاتا ہے، گھنٹوں تک بری طرح متاثر رہا تاہم، نیم فوجی دستوں کے ساتھ شامل ضلعی پولیس نے شام 4 بجے تک حالات کو قابو میں کرلیا۔گوالیار ضلع کے ایس پی امیت سنگھی نے کہا کہ 12 بجے کے قریب نوجوانوں کی بڑی تعداد گولے کا مندر علاقے میں جمع ہوئی۔ اس کی وجہ سے ایڈیشنل سپرنٹنڈنٹ آف پولیس (اے ایس پی) ویبھو چوکسے کی قیادت میں پولیس ٹیم موقع پر پہنچی۔ سنگھی نے کہ ہم نے انہیں صرف وہیں روکنے کی کوشش کی اور بات چیت جاری تھی۔
اس دوران مزید نوجوان احتجاج میں شامل ہونے لگے اوران کی تعداد تقریباً 1000-1200 تک پہنچ گئی۔ انہوں نے کئی جگہوں پر تشدد شروع کر دیا ۔کئی گروپوں میں بٹ کر مظاہرین سڑکوں پر نکل آئے اور ریلوے اسٹیشن پہنچ گئے۔ انہوں نے وہاں سرکاری املاک کی توڑ پھوڑ کی جس سے ریلوے اسٹیشن پر مسافروں میں خوف و ہراس پھیل گیا۔ پولیس کی مزید ٹیمیں تعینات کی گئیں اور نیم فوجی عملہ بھی کارروائی میں شامل ہوا۔ مسئلہ یہ تھا کہ اگر پولیس نے انہیں ایک طرف سے گھیرلیا تو وہ دوسرا راستہ اختیار کررہے تھے لیکن حالات کو قابو میں لایا گیا ۔
سنگھی نے مزید بتایا کہ پولیس نے ہجیرہ ریلوے اسٹیشن سے مظاہرین کا پیچھا کیا لیکن وہ گوالیار کے مرکزی ریلوے اسٹیشن کی طرف بڑھ گئے۔ تاہم وہاں پولیس عہدیداروں کی بھاری تعیناتی تھی۔ ایک ریلوے اسٹیشن پر وہاں سخت سیکورٹی دیکھ کر، وہ سڑکوں پر نکل آئے اور سڑکوں پر تشدد شروع کر دیا ۔سنگھی نے کہا کہ تاہم تشدد میں کوئی زخمی نہیں ہوا۔ ایس پی نے کہاپولیس نے صورتحال پر قابو پالیا۔ مظاہرین کی شناخت کے بعد کارروائی کی جائے گی۔ اب شام 4 بجے کے بعد، شہر میں حالات مکمل طور پر قابو میں ہیں۔اس دوران سنگھی نے یہ بھی کہا کہ اس بات کی تحقیقات شروع کی جائیں گی کہ اتنی بڑی تعداد میں لوگ کیسے جمع ہوئے۔ شروع میں، تقریباً 200-300 لوگ تھے لیکن یہ تعداد اچانک بڑھ گئی۔ یہ تحقیقات کا معاملہ ہے ۔
