نئی صدر کے پہلے خطاب میں قبائلی ورثے کی زبردست تعریف

نئی دہلی ۔ ہندوستان کے صدر کے طور پر اپنے پہلے خطاب میں دروپدی مرمو نے ہندوستان کے قبائلی ورثے پر روشنی ڈالی، جس کا آغاز جوہر کے روایتی قبائلی سلام سے ہوا اور مشہور اوڈیا سنت اور شاعر بھیم بھوئی کا حوالہ دیا۔ قبائلی طبقے سے ہندوستان کی پہلی صدر کی حیثیت سے حلف لینے کے بعد پارلیمنٹ کے سنٹرل ہال میں اپنے 18 منٹ سے زیادہ کے خطاب میں انہوں نے سنتھل، پائیکا، کول اور بھیل انقلابات کا حوالہ دیا جو مختلف خطوں میں رونما ہوئے اور ملک کی آزادی کی جدوجہد، شاندار شراکت میں اپنا حصہ ادا کیا ۔
ان تمام انقلابات نے جدوجہد آزادی میں قبائلیوں کے تعاون کو تقویت بخشی۔ ہمیں سماجی ترقی اور حب الوطنی کے لیے دھرتی با لارڈ برسا منڈا جی کی قربانی سے تحریک ملتی ہے۔ مجھے خوشی ہے کہ ملک بھر میں بہت سے عجائب گھر تعمیر کیے جا رہے ہیں جو ہماری آزادی کی جدوجہد میں قبائلی برادریوں کے کردار کے لیے وقف ہیں۔
برسا منڈا قبائلی برادری کے ہیرو ہیں، جنہوں نے انگریزوں کے خلاف بغاوت کی قیادت کی۔ سنتھل قبیلے سے تعلق رکھنے والے ملک کی سب سے زیادہ آبادی والے شیڈولڈ ٹرائب کمیونٹی، 64 سالہ مرمو نے اپنی زندگی کے سفر پر بھی روشنی ڈالی، جو اڈیشہ کے ایک چھوٹے سے قبائلی گاؤں میں شروع ہوا تھا اور وہ کس طرح کالج کی تعلیم حاصل کرنے والی پہلی خاتون تھیں۔ وہاں سے ایک شخصیت بنی ۔
انہوں  نے کہامیں اس قبائلی روایت میں پیدا ہوئی جو ہزاروں سالوں سے فطرت کے ساتھ ہم آہنگی میں رہتی ہے۔ مجھے اپنی زندگی میں جنگلات اور آبی ذخائر کی اہمیت کا احساس ہوا ہے۔ ہم فطرت سے ضروری وسائل لیتے ہیں اور اسی احترام کے ساتھ فطرت کی خدمت کرتے ہیں۔” صدر نے کہایہ حساسیت آج ایک عالمی ضرورت بن گئی ہے۔ مجھے خوشی ہے کہ ہندوستان ماحولیاتی تحفظ کے میدان میں دنیا کی رہنمائی کر رہا ہے۔
مرمو جنہوں نے 2015 میں گورنر کا عہدہ سنبھالنے سے پہلے ایک ٹیچر سے کونسلر اور پھر اڈیشہ میں ایم ایل اے اور وزیر کے طور پر کمیونٹی خدمات سے اپنا سفر شروع کیا انہوں  کہا کہ انہوں نے عوامی خدمت کے ذریعے زندگی کے معنی کو محسوس کیا ہے۔ قبائلی برادری سے تعلق رکھنے والے مشہور شاعر بھیم بھوئی کا حوالہ دیتے ہوئے انہوں نے کہا کہ مو جبیں پچھے نرک پڑی تھو، جگتو ادھو ہیو جس کا مطلب ہے کہ دنیا کی فلاح و بہبود کے لیے کام کرنا اپنے مفادات سے بڑھ کر ہے۔