ممبئی : جنوبی فلم اسٹار نکھل سدھارتھا کی فلم کارتکیا 2 ہندی باکس آفس پر دھوم مچا رہی ہے۔ درمیانی بجٹ کی اس فلم نے ہندی باکس آفس پر دھوم مچاتے ہوئے کنڑ سوپر اسٹار یش کی فلم کے جی ایف 2 کو بھی مات دے دی ہے۔فلم ہندی باکس آفس پر اب تک تقریباً 20 کروڑ روپے کما چکی ہے۔ وہیں کنڑ کے سوپر اسٹار یش کی کے جی ایف 2 نے ہندی باکس آفس سے پورے 400 کروڑ روپے کمائے۔ اس کے باوجود اگر ہم ان کی سرمایہ کاری اور منافع کے بارے میں بات کریں، تو نکھل سدھارتھ کی فلم کارتکیا 2 نے ہندی باکس آفس پر کے جی ایف 2 کو شکست دی ہے۔ جی ہاں، شکست دی ہے ۔کیسے شکست دی ہے یہ جاننے کےلئے دونوں فلموں کی سرمایہ کاری اور منافع کے اعداد وشمار کو سمجھنا ہوگا ۔
تفریحی پورٹل کی ایک رپورٹ کے مطابق کارتکیا 2کے ہندی بزنس نے کے جی ایف 2 کو پیچھے چھوڑ دیا ہے ۔رپورٹ کے مطابق کے جی ایف 2 کے ہندی تھیٹر کے حقوق تقریباً 90 کروڑ روپے میں فروخت ہوئے۔جس کے بعد فلم نے ہندی باکس آفس سے 400 کروڑ روپے کا بزنس کیا۔ہندی ریلیز نے کے جی ایف 2 نے 382.91 فیصد منافع کمایا جس میں تھیٹر کے حقوق کی فروخت 90 کروڑ تھی۔ جبکہ نکھل سدھارتھ کی کارتیکیا 2 نے اس معاملے میں کے جی ایف 2 سے زیادہ بزنس کیا ہے۔ اب تک یہ فلم ہندی سینما گھروں سے 23.53 کروڑ روپے کا بزنس کر چکی ہے۔ اگرچہ یہ تعداد زیادہ نہیں ہے لیکن فلم نے ہندی تھیٹر کے حقوق صرف 4.50 کروڑ روپے میں دیے۔ جس کے بعد کارتکیا 2 کے کلیکشن نے اب تک 19.03 کروڑ روپے کا منافع دیا ہے۔ جو کہ 422.88 فیصد منافع کے قریب ہے جو کے جی ایف 2 سے زیادہ ہے ۔
