نئی دہلی۔ مرکزی حکومت نے چین سے درآمدہونے والے دودھ اوردودھ سے بننے والی اشیا میں نقصان دہ کیمیکل میلامائن کی وجہ سے انھیں ہندوستان درآمد کرنے اور فروخت کرنے پر عائد پابندی میں تین ماہ کی توسیع کر دی گئی ہے ۔
غیر ملکی تجارت ڈائریکٹوریٹ جنرل نے جاری ایک اعلامیہ میں کہا ہے کہ یہ پابندی چہارشنبہ سے نافذ ہوگی۔ حکومت نے چین سے آنے والے دودھ اور دودھ کی اشیا میں میلامائن کی موجودگی کو دیکھتے ہوئے24 اکتوبر2008 کو پہلی مرتبہ پابندی عائد کی گئی تھی اور اس پابندی کی معیاد میں مسلسل اضافہ ہی ہوتا رہا ہے ۔ ان اشیا پر گذشتہ مرتبہ24 دسمبر2018 کو پابندی عائد کی گئی تھی جو23 اپریل کو ختم ہو گئی تھی ۔ نئی پابندی آئندہ چھ ماہ تک نافذ العمل ہوگی۔
وزارت کے بموجب فوڈ سیفٹی اور اسٹینڈرڈ اتھارٹی نے 5 اپریل کو متعلقہ محکمہ اور وزارت کے ساتھ ایک اجلاس منعقدہ کیا تھا جس میں چین سے درآمد دودھ اور دودھ کی اشیا پر چھ ماہ تک مزید پابندی میں توسیع کرنے کا فیصلہ کیا گیا ہے ۔ علاوہ ازیں تمام بندرگاہوں پر میلامائن کی تفتیش کرنے والی مشینیں لگانے تک پابندی جاری رکھنے کی سفارش کی گئی ہے ۔
غیر ملکی تجارت ڈائریکٹوریٹ جنرل کے مطابق سفارشات کے مطابق چین نے دودھ اور دودھ کی اشیا جیسے چاکلیٹ،کینڈی اور دودھ کی آمیزش سے بننے والی اشیا کو ہندوستان میں درآمد کرنا اور انھیں فروخت کرنے پر پابندی نافذ رہے گی۔
