حیدرآباد ۔ عظیم پریم جی فاؤنڈیشن جو کہ ایک غیر منافع بخش تنظیم ہے اور حکومت کے اشتراک کے ساتھ گذشتہ دو دہوں سے اسکولی تعلیم کے معیار کو بہتر بنانے میں اپنی خدمات فراہم کررہی ہے ، اس نے اب تلنگانہ اور کرناٹک میں بنیادی طور پر اسکولی تعلیم کے معیار کو مزید بہتر بنانے اور آنگن واڑی کے ذریعہ مقاصد کے حصول کے لئے اہل اور قابل امیدواروں سے درخواستیں طلب کی ہیں ۔ مخلوعہ جائیدادیں ان حضرات کےلئے دستیاب ہیں جو کہ بچوں کی ابتدائی تعلیم کے شعبہ میں اپنی خدمات فراہم کرنے کے علاوہ سماجی تبدیلی میں اپنی خدمات فراہم کرنا چاہتے ہیں۔
خواہشمند حضرات جو کہ گریجویشن کی تعلیم کے ساتھ ڈی ایڈ یا پھر بی ایڈ کی ڈگری رکھتے ہوں یا پھر پوسٹ گریجویٹ کی سند رکھتے ہوں وہ حضرات درخواست دے سکتے ہیں ۔ مخلوعہ جائیدادیں چونکہ تلنگانہ اورکرناٹک کے شمال مشرقی علاقوں کے آنگن واڑی کےلئے دستیاب ہیں لہذا خواہشمند حضرات کو تلگو اورکنڑا زبان سے واقف ہونا ضروری ہے ۔
تلنگانہ میں ملازمت انجام دینے والے حضرات کی خدمات سنگاریڈی میں ہی لی جائے گی ۔ منتخب امیدواروں کو ماہانہ 29 ہزار روپئے تنخواہ دی جائے گی ۔ اعلامیہ میں یہ بھی کہا گیا ہے کہ جو حضرات تعلیم و تدریس کے پیشہ سے وابستہ ہیں انہےں اولین ترجیح دی جائے گی ۔ مزید تفصیلات کےلئے عظیم پریم جی فاؤنڈیشن کے ویب سائیٹ azimpremjifoundation.orgملاحظہ کریں ۔
