ممبئی ۔ بالی ووڈ کے میگا اسٹار شاہ رخ خان کے بیٹے کے مقدمہ میں ایک اہم پیش رفت میں شیو سینا کے ایک سینئر لیڈر نے سپریم کورٹ سے پرزور درخواست کی ہے کہ اور انہوں نے عدالت عظمی کے موجودہ جج سے نارکوٹکس کنٹرول بیورو (این سی بی )کے معاملات کی تحقیقات اور آرین خان کے بنیادی حقوق کی خلاف ورزی کی تحقیقات کا حکم دے۔
آئین کے دفعہ 32 کے تحت درخواست کرتے ہوئے کشور تیواری نے چیف جسٹس این وی رمنا کی اولین ترجیح مداخلت پرزوردیا جس طرح متعصب این سی بی فلمی شخصیات ، ماڈلز کے پیچھے ہے اوردیگرمشہور شخصیات کے خلاف گزشتہ دو سال سے کارروائی کی جارہی ہے وہ نا قابل فہم ہے اور اس کی تحقیقات کی درخواست کی ہے ۔
انہوں نے کہا کہ آرٹیکل 32 کے تحت ، سپریم کورٹ اور چیف جسٹس آف انڈیا (سی جے آئی) بنیادی حقوق کی خلاف ورزی سے متعلق ہر معاملے کا نوٹس لینے کے اختیارات کا حوالہ دیا ، جیسا کہ آئین کے حصہ III کے تحت ضمانت دی گئی ہے جس کی این سی بی نے خلاف ورزی کی ہے ، اس کی تحقیقات پر زود دیا ہے ۔
اسپیشل این ڈی پی ایس کورٹ (ممبئی) نے آرین خان اور دیگر ملزمان کی ضمانت کی درخواست میں 20 اکتوبر تک فیصلے کو موخر کرنے کا حوالہ دیتے ہوئے کہا کہ انہوں نے کہا ہے ملزم کو بڑی تذلیل کا نشانہ بنایا ہے اور جیل میں غیر جمہوری اور غیر قانونی طور رکھا گیا ہے۔
این سی بی اور اس کے عہدیداروں پر مخصوص شخصیات کو نشانہ بنا کر انتقام کا الزام لگاتے ہوئے تیواری نے مرکزی نشہ آور ایجنسی اور ممبئی کے زونل ڈائریکٹر (سمیر وانکھیڈے) کے کردار کی تحقیقات کا مطالبہ کیا ،جن کی اہلیہ معروف مراٹھی فلمسٹار ہیں اور ان کا براہ راست دوسرے ستاروں اور مشہور شخصیات کے ساتھ مقابلہ ہے۔درخواست میں کہا گیا ہے کہ عہدیدار کی بیوی بالی ووڈ میں بڑا کام کرنے کی کوشش کررہی ہےاوراسی وجہ سے فلم انڈسٹری میں ان کے خاندان ، قومی بین الاقوامی ماڈل ، پروڈیوسراور ڈائریکٹرکو صرف این سی بی کے دائرے میں لایا جارہا ہے ۔
سشانت سنگھ راجپوت موت مقدمہ کی تحقیقات سے شروع کرتے ہوئے ، تحقیقات کو غیرمتعلقہ سمت میں مکمل طور پر موڑ دیا گیا ہے انہو ں نے مزید کہا کہ گجرات کے منڈرا پورٹ سے 3000 کلو گرام منشیات پکڑی گئی لیکن اس معاملے کو برف دان کی نذرکردیا گیا ہے جبکہ آرین خان کے معاملے کو انتقامی کارروائی کا شکار بنادیا گیا ہے۔جب قانون کو ملک کی اعلیٰ ترین عدالت نے طے کیا ہے ، این سی بی اور خصوصی این ڈی پی ایس کورٹ نے آریان خان اور دیگر کو ضمانت سے محروم کر کے “مناسب احترام دینے میں ناکام” کیا ہے ، جو کہ فوری طور پر کیا جا سکتا ہے ، یہاں تک کہ عوامی تعطیلات پر بھی ، اور اس طرح ‘انصاف کا مکمل اسقاط حمل’ ہے۔
