کینبرا: کرکٹ آسٹریلیا (سی ای) نے ویسٹ انڈیز کے خلاف اکتوبر کے پہلے ہفتے میں منعقد ہونے والی ٹی 20 میچوں کی مجوزہ سیریز غیر معینہ مدت کے لئے ملتوی کردی ہے۔ آسٹریلیا اور ویسٹ انڈیز کی ٹیموں کے درمیان تین میچوں کی سیریز کے مقابلے بالترتیب 4 ، 6 اور 9 اکتوبرکو ٹاؤنس ول،کیرنس اور گولڈ کوسٹ میں ٹوئنٹی20 ورلڈ کپ سے قبل طے تھے۔
انٹرنشنل کرکٹ کونسل (آئی سی سی) نے ٹوئنٹی20 میگا ایونٹ کوکورونا وائرس کی وجہ سے2021 میں دوبارہ ترتیب دیا ہے۔ ویسٹ انڈیز کے ٹی 20 کی منسوخی سے گولڈ کوسٹ میں بین الاقوامی سطح پر پہلی تاخیر ہوئی ہے۔کیرنس میں کازلی اسٹیڈیم کو بھی اب کسی بین الاقوامی میچ کی میزبانی کرنے کے لئے تھوڑا انتظارکرنا پڑے گا۔ کازلی اسٹیڈیم نے آخری مرتبہ16 سال قبل آسٹریلیا اور سری لنکا ٹسٹ میچ کی میزبانی کی تھی۔ اتفاقی طور پرہندوستان کو11 ،14 اور 17 اکتوبر میں تین ٹی ٹوئنٹی میچ کھیلنے کی اجازت دی گئی ہے ۔ اس بات کا بہت زیادہ امکان ہے کہ ہندوستان کے خلاف ٹوئنٹی20 میچوںکو دسمبر اور جنوری میں ہونے والے ٹسٹ اور ونڈے میچ کے بعد ہی جگہ مل سکے گی۔
