حیدرآباد ۔ اسمارٹ فون آج ہماری زندگی کا ایک ایسا حصہ بن چکاہے جس کے بغیر یومیہ معاملات کی تکمیل کا تصور بھی محال ہے اور اسمارٹ فون کی بیاٹری جلد ختم ہوجانے سے ہر صارف پریشان دیکھائی دیتا ہے لیکن کچھ ایسے گر ہیں جنھیں اختیار کرتے ہوئے فون کی بیاٹری کا کارکردگی میں اضافہ کیا جاسکتاہے لیکن اس سے قبل بیاٹری کے متعلق کچھ اہم معلومات کا بھی فائدہ ہوگا۔
یہ بھی غور کرنے والی حقیقت ہے کہ اسمارٹ فون کی بیٹری ایک سال کے اندر ہی کمزور ہو جاتی ہے یا یوں کہہ لیں کہ اسے جلد چارج کرنا پڑتا ہے۔مگر ایسا کیوں ہوتا ہے ؟ اور اس سے بچنا ممکن ہے یا نہیں؟یہ ایسے سوال ہیں جس کے جواب ہر کوئی چاہتا ہے۔ویسے یہ کہنے کی ضرورت نہیں کہ اسمارٹ فونز کا استعمال اب روزمرہ کا حصہ بنتا جارہا ہے اور ان کی چارجنگ کا مسئلہ دن بدن بڑھتا چلاجا رہا ہے۔لیکن اس کی وجہ کافی سادہ ہوتی ہے اور وہ یہ لیتھیم اون بیٹریاں (اسمارٹ فونز میں یہی استعمال ہوتی ہیں) کی کارکردگی کی زندگی عموماً 500 سائیکل (لگ بھگ ڈیڑھ سال اگر روزانہ ایک بار چارج کیا جائے) ہوتی ہے۔
ایک بیٹری سائیکل سے مراد 0 سے 100 تک ایک مرتبہ چارجنگ ہے، تو آپ کا فون جتنی بارمکمل سائیکل کے عمل سے گزرے گا، اتنا ہی جلد اسے بدلنے کی ضرورت بھی محسوس ہوگی۔موبائل فون ریپئر بزنس سے منسلک ایک کمپنی موبائل کلنک کی ڈائریکٹر لز ہیملٹن کے مطابق اسمارٹ فون کی بیٹری لیتھیم اون کی ہوتی ہے اور اس کے اندر کیمیائی ری ایکشن اسے کمزور بناتا ہے۔مثال کے طور پر اگر آپ کسی بیٹری کے اندر دیکھیں تو آپ مختلف طرح کی تہوں کو ایک دوسرے میں سینڈوچ بنا دیکھیں گے۔ان تمام میٹریلز کے تین سیکشن ہوتے ہیں، نیگیٹو، گریفائٹ اورکاپر۔بیٹری کی نیگیٹو وہ حصہ ہوتا ہے جہاں پاور(توانائی) ذخیرہ ہوتی ہے جبکہ پوزیٹو حصہ میں اس جمع ہونے والی توانائیکو استعمال کیا جاتا ہے اور ایک الیکٹرو لیٹ پولیمر ایسا ہوتا ہے جو ان دونوں کے درمیان سربراہیکو ہموار رکھنے کا کام کرتا ہے۔
ایک کیمیائی ری ایکشن دونوں حصوں کے درمیان ہوکر فون کو چلاتا ہے لیکن اس عمل کے دوران الکٹران اپنے لیتھیم ایٹمز پیچھے چھوڑ دیتے ہیں جو بیٹری کو ری چارج ہونے کے قابل بناتے ہیں۔آسان الفاظ میں اسے مکمل چارج سرکل کہا جاتا ہے لیکن ہر بار ایسا کرنے سے بیٹری کے میٹریل میں کمی آنے لگتی ہے اور وہ پہلے کی طرح الیکٹرکل چارج کو قابو میں رکھنے کی صلاحیت سے محروم ہونے لگتی ہے۔
لز ہیملٹن نے مزید کہا کہ بہتر یہ ہے کہ فون کی بیٹریوں کی زندگی بڑھانے کے لیے کوشش کریں کہ اسے مکمل چارج کرنے سے گریزکریں اور 25 تا 85 فیصد تک چارجنگ کے بعد فون کو چارجر سے نکال لیں۔آسان الفاظ میں فون کی بیٹری کو مکمل 0 تک پہنچانے سے گریز کی کوشش کریں اور جب چارج کریں تو 85 فیصد پر پہنچنے کے بعد چارجر نکال دیں، اگر نہیں کرپائے اور بیٹری مکمل چارج ہوگئی تو ڈیوائس کو چارجر پر لگا نہ چھوڑیں۔
ایسا مسلسل کرنا برقی ڈیوائسز کی عمر بہت تیزی سے کم کرتا ہے اور یہی وجہ ہے کہ رات کو فون چارج پر لگا کر چھوڑنا طویل المعیاد بنیادوں پر فون کے لیے نقصان دہ سمجھا جاتا ہے۔علاوہ ازیں اگر آپ بیٹری کی زندگی زیادہ عرصے تک برقرار رکھنا چاہتے ہیں تو چند چیزوں پر عمل کو اپنا لیں۔ جب ضرورت نہ ہو تو وائی فائی اور بلیو ٹوتھ کو بند کردیں۔
اپنے فون کو کمرے کے درجہ حرارت میں ہی رکھیں۔فون کی برائٹنس (روشنی ) کو صد فیصد تک نہ بڑھائیں۔ بیٹری کو متاثر کرنے والے ایپ جیسے فیس بک آٹو پلے کو ٹرن آف کردیں۔ جب ممکن ہو فون کو لو پاور موڈ پر استعمال کریں۔ فون کو جلد چارج کرنے کےلئے فلائیڈ موڈ پر چارجنگ کریں۔
