صنعا– ہندوستان سمیت دنیا بھر میں اکثر طالب علموں کی بڑی تعداد امتحانات میں شرکت کے لیے پر جوش ہوتے ہیں، کچھ طلبہ امتحان میں ناکامی پر بڑا قدم اٹھا لیتے ہیں جبکہ کچھ طلبہ ہر سال نئے ریکارڈ بناتے رہتے ہیں لیکن امتحانات میں شرکت کے حوالے سے ایک خبر یمن سے موصول ہوئی ہے جس نے سب کو حیران کردہ ہے ۔ تفصیلات کے مطابق ایک لڑکی جسے امتحانات میں شرکت کی اجازت نہیں دی گئی جس پر اس نے اسکول کو بم سے اڑنے کی دھمکی دیدی۔
سماجی رابطے کی ویب سائٹ ٹویٹر پر ایک ویڈیو میں دیکھا جا سکتا ہے کہ طالبات خوف کے عالم میں اسکول سے باہر آ رہی ہیں۔
یمن کے وسط میں واقع اِب گورنری میں لڑکیوں کے ایک اسکول میں اس وقت ہنگامہ برپا ہوگیا جب ایک طالبہ کوامتحان میں بیٹھنے کی اجازت نہ ملنے پراس نے اسکول کو بم سے اڑانے کی دھمکی دے ڈالی۔
تفصیلات کے مطابق یہ واقعہ المشنہ ڈاریکٹوریٹ میں اس وقت پیش آیا جب ایک گرلز اسکول کی انتظامیہ نے فیس کی عدم ادائیگی پر طالبہ کو سیکنڈ ٹرم کے امتحان میں شرکت سے روک دیا۔
طالبہ اس وقت وہاں سے چلی گئی اور کچھ دیر بعد ایک دستی بم لے کر آئی اور اسکول کو بم سے اڑانے کی دھمکی دی۔ اس پر ہر طرف اسکول میں افراتفری پھیل گئی۔
علاقے والوں کو جب اس معاملے کا پتہ چلا تو انہوں نے بچیوں کو بچانے کیلئے اسکول پردھاوا بول دیا۔ لوگ دروازے توڑکر اسکول میں داخل ہو گئے اور وہاں سے بچیوں کو باہر نکال لیا۔
دستی بم سے حملے کی دھمکی کے بعد اسکول میں پیدا ہونے والی صورت حال کی ایک فوٹیج بھی سوشل میڈیا پر وائرل ہے جس میں طالبات کو خوف زدہ دیکھا جا سکتا ہے۔
