قاہرہ ۔ جگہ جگہ ہنگامہ اور بیہودہ حرکتوں کے لیے مشہو روسی ر ماڈل کینسی ولانسکی کومصر میں الجیزہ کے اہرامات کی چوٹی پر چڑھنے کی کوشش میں گرفتار کرلیا گیا ہے۔2019 میں یورپی چمپئن ٹورنمنٹ فائنل میں تقریباً بے لباس ہو کر پہنچ کر ہنگامہ کرنے کےبعد ولانسکی کا یہ ایک نیا تنازعہ ہے۔کینسی جب جیزہ پہنچیں تو کوئی انہیں پہچان نہیں سکا۔ انہوں نے اہرامات کے علاقے میں اپنی ویڈیو بنا کر انسٹا گرام پر جاری کی۔
کینسی نے وہاں کھڑے ہو کر اپنی ورکنگ ٹیم کے ساتھ تعارف کروایا، اورسورج غروب ہونے کے وقت انہوں نے اہرامات کی چوٹی سر کرنے کا پروگرام شروع کیا۔ فیشن ماڈل کے ایک دوست نے ویڈیو کے دوران کینسی کی توجہ مبذول کروائی کہ بغیر اجازت نامے کے اہرامات کی چوٹی سر کرنے پر مصری سیکیورٹی عہدیدار گرفتار کرنے کے لیے آرہا ہے۔
وڈیو کلپ میں ایک مصری عہدیدار کو کینسی کے ایک دوست کے ساتھ بحث کرتے ہوئے دیکھا جاسکتا ہے۔ مصری عہدیدار کینسی کے دوست کو بتا رہا تھا کہ جیزہ کے اہرامات پر چڑھنے کے لیے باقاعدہ اجازت نامہ لینا ہوتا ہے اور کینسی یہ کام بغیر اجازت نامے کے کر رہی ہیں۔کینسی نے اہرامات سے متعلق اپنی مہم جوئی کی منظر کشی مصری پولیس ا سٹیشن کی عکس بندی پر مکمل کی۔کینسی کو ایک رات پولیس اسٹیشن میں گزارنا پڑی جس کے بعد اگلی صبح انہیں رہا کر دیا گیا۔
کینسی نے اپنا بیان یہ کہہ کر ختم کیا کہ میں 2019 کے آخری لمحات کو یادگار بنانا چاہتی تھی۔ میرا خواب پورا ہوگیا۔الامارات الیوم کے مطابق کینسی نے 2019 میں یورپین چمپئن ٹورنمنٹ فائنل میں مہم جوئی کا مظاہرہ کیا تھا، جس میں لیور پول کی ٹیم جیت گئی تھی۔ اس ٹورنمنٹ میں مصری فٹبال سٹار محمد صلاح بھی شامل تھے۔ کینسی اس ٹورنمنٹ میں تقریباً بے لباس ہوکر پہنچی تھیں۔
