حیدرآباد: ریاست تلنگانہ میں شام 6 بجے سے لیکر شام 9 بجے کے درمیان سڑکیں بالکل غیر محفوظ ہو رہی ہیں اگر اس دوران سڑک حادثات کی تعداد اس طرف اشارہ کررہے ہیں اور جو اشارہ مل رہا ہے وہ تشویش ناک ہے جس پر حکومت اور عوام دونوں کو فوری توجہ دینے کی ضرورت ہے ۔
نیشنل کرائم ریکارڈ بیورو (این سی آر بی) کی ہندوستان 2017 کے حادثے میں ہونے والی اموات اور خودکشیوں کی رپورٹ کے مطابق ریاست تلنگانہ میں 2019 کے دوران شام 6 بجے سے شام 9 بجے کے درمیان 4489 حادثات ہوئے ، اس کے بعد شام 3 بجے سے شام 6 بجے کے درمیان 4131اور دوپہر سے 3 کے درمیان 3260 حادثات ہوئے ہیں ۔ رپورٹ میں کہا گیا ہے کہ 2019 کے دوران شام کے اوقات میں 21570 حادثات میں مجموعی طور پر6964 افراد اپنی جانوں سے ہاتھ دھو بیٹھے جبکہ 21999 افراد زخمی ہوئے۔
علاوہ ازیں تلنگانہ کے صدر مقام حیدرآباد میں ، خطرہ زون شام 3 بجے سے شام 6 بجے تک ہے ، اس دوران 513 حادثات پیش آئے ہیں۔ٹریفک کے ماہرین کے بموجب حادثات میں اکثریت ڈرائیوروں کی غلطی تھی۔ شام میں جلدی سے گھر پہنچنے کی کوشش کرتے وقت زیادہ تر گاڑی تیزی میں چلاتے ہیں۔ زیادہ تر ڈرائیوروں نے بظاہر گاڑی کا قابو کھودیا تھا اور مخالف سمت سے یا دوسری گاڑیوں سے ٹکرا گئے ۔ یہ ایک نفسیاتی واقعہ ہوسکتا ہے کیوں کہ موٹرسائیکل چلانے والے کام کے بعد گھر پہنچنے کے لئے تیز رفتار گاڑی چلاتے ہیں ، انہوں نے مزید کہا کہ سڑک کی دونوں سمتوں پر ٹریفک کی روانی بھی بہت زیادہ ہوگی ہے۔
جواہر لال نہرو ٹکنالوجیکل یونیورسٹی کے سنٹر برائے ٹرانسپورٹیشن اینڈ انجینئرنگ ونگ (ہیڈ) کے ایم لکشمن راؤ نے کہا کہ روشنی اور چکاچوند میں فرق شام کو ہونے والے حادثات کی ایک اور وجہ ہوسکتا ہے۔ روشنی کے علاوہ چکاچوند کے فرق سے ڈرائیور موڑ پر ٹھیک سے نہیں دیکھ پاتے ، جس کے نتیجے میں حادثات ہوتے ہیں۔ انہوں نے کہا کہ مصروف مقامات اور جنکشنوں کے اندھیرے مقامات پر نقائص کے بارے میں جاننے کے لئے روڈ سیفٹی آڈٹ کروایا جانا چاہئے۔
