تلگودیشم وفد نے صدرجمہوریہ سے پارٹی لیڈروں پر حملوں کی شکایت کی

  نئی دہلی: اے پی کی اصل اپوزیشن تلگودیشم کے ارکان پارلیمنٹ نے آج قومی دارالحکومت نئی دہلی میں صدر جمہوریہ رام ناتھ کووند سے ملاقات کی۔اس وفد نے ان سے شکایت کرتے ہوئے کہا کہ وائی ایس جگن موہن ریڈی کی زیرقیادت وائی ایس آرکانگریس کی 13ماہ کے دور حکومت کے دوران تلگودیشم لیڈروں پر حملوں کے واقعات میں اضافہ ہوا ہے۔حکمران جماعت مخاصمت کی کارروائی کررہی ہے۔بعد ازاں ان لیڈروں نے مرکزی وزیر دیہی ترقی نریندر سنگھ تومر سے بھی ملاقات کی اور منریگا اسکیم کے بلز کے مسئلہ پر شکایت کی۔صدر جمہوریہ سے ملاقات کرنے والے وفد میں جی جئے دیو،رام موہن نائیڈ،کیشو نانی،رویندر کمار اوردوسرے شامل تھے۔