ملبورن۔ عالمی نمبر ایک کھلاڑی اور آٹھ مرتبہ کے چمپین سربیا کے نوواک جوکووچ ، دوسری سیڈ رومانیہ کی سیمونا ہالیپ ، جاپان کی یو ایس اوپن چمپین نومی اوساکا اور23 مرتبہ کی گرانڈ سلام چمپین امریکہ کی سرینا ولیمز اپنے مقابلوں میں فتوحات حاصل کرتے ہوئے سال کے پہلے گرانڈ سلام آسٹریلین اوپن کے تیسرے را ¶نڈ میں جگہ بنالی۔نویں آسٹریلین خطاب کی تلاش میں مصروف جوکووچ امریکہ کے فرانسس ٹیافو کو تین گھنٹے اور 30 منٹ طویل چیلنجنگ مقابلے میں6-3 6-7 (3-7) 7-6 (7-2) 6-3. سے شکست دیکر تیسرے راونڈ میں جگہ بنالی ۔ جوکووچ نے میچ کے بعد کہا یہ بے حدچیلنجنگ مقابلہ تھا اور مقابلے کے دوران حالات بھی مشکل تھے ۔ انہوں ٹیافوکو ان کی شاندار کارکردگی کے لئے مبارکباد دی۔
خواتین کے زمرے میں عالمی نمبر دو رومانیہ کے ہالیپ نے بھی اپنے دوسرے راؤنڈ کا میچ جیتنے کے لئے کافی جدوجہد کی۔ ہالیپ نے مقامی کھلاڑی ایزلا ٹاملیانووچ کے خلاف مقابلے میں پہلا سٹ گنوانے کے بعد شاندار واپسی کرتے ہوئے دوگھنٹے 34 منٹ میں4-6 6-4 7-5 سے جیت حاصل کی۔ ٹاملیانووچ نے فیصلہ کن سٹ میں 5-2 کی سبقت بنالی تھی لیکن ہالیپ نے اس کے بعد شاندار واپسی کرتے ہوئے اگلے پانچ گیمزمسلسل جیتے اور میچ اپنے نام کیا ۔
یو ایس اوپن چیمپیئن اور تیسری سیڈ اوساکا نے61 منٹ میں فرانس کی کیرولن گارسیا کو 6-2 ،6-3 سے شکست دے کر تیسرے راونڈ میں جگہ بنائی۔ اوساکا یہاں 2019 میں چمپئن رہ چکی ہیں۔امریکہ کی عظیم کھلاڑی سرینا نے سربیا کی نینااستوزنووچ کو صرف69 منٹ میں 6-3، 6-0 سے شکست دی اور تیسرے راونڈ میں داخلہ حاصل کرلیا۔
ایک اور میچ میں کینیڈا کے میلوس راونک نے کورنٹین موٹٹ کو 6-7،6-1 ،6-1 اور 6-4 سے شکست دی کر ءدوسرے مرحلے کے میں جگہ بنائی۔آسٹریا کے ڈومینک تھائم نے جرمنی کے ڈومینک کوفر کو شکست دے کراگلے مرحلے میں رسائی حاصل کی جبکہ ویمنز سنگلز میں سرینا ولیمز سربیا کی نینا اسٹاجاناووچ کو 6-3 اور 6-0 سے شکست د ےکر تیسرے مرحلے میں پہنچ گئیں۔سابق عالمی نمبر ایک وینس ولیمس کو شکست برداشت کرنی پڑی ہے۔
