حیدرآباد : شہر کے خیریت آباد علاقہ میں ایک شخص کو نامعلوم افراد نے قتل کر دیا اور ڈیوائییڈرپر پھینک دیا۔اطلاع کے مطابق ناگر کرنول ضلع جنسی بورڈ کے گاؤں،نوگو پالی گاؤں کا 56سالہ بنگارا یا کچھ سالوں سے وہ اپنی اہلیہ اور بچوں کے ساتھ حیدرآبادکے خیریت آبادعلاقے کے بی جے جے آرنگر میں مقیم تھا ۔تاہم ہفتہ کے روز اسے نامعلوم افراد نے بء دردی سے قتل کر دیا۔پولیس اس معاملہ کی تحقیقات کر رہی ہے۔
مقامی لوگوں کے مطابق مقتول کا اس کی اہلیہ سے اکثر جھگڑا ہوتا تھا۔تاہم، ہفتہ کی رات بھی دونوں میں جھگڑا ہوا تھا۔چنانچہ وہ اپنے رشتہ داروں کے گھر چلی گئی،جو ان کے گھر کے قریب ہی رہتے تھے۔تاہم،یہ اطلاع ملی کہ بنگار ایا آدھی رات کو گھر سے نکلا تھا۔بعد میں وہ خیریت آباد ریلوے پھاٹک کے پاس میٹرو کے پلر نمبر 75کے قریب خون میں لت پت پڑا تھا۔
تاہم جی ایچ ایم سی کے عملے نے اتوار کے روز صبح میں اس کی لاش ملی،جس کے بعد انہوں نے پولیس کو اطلاع دی۔پولیس مقام پر پہنچی اور تفصیلات معلوم کیں۔اور مقدمہ درج کرکے تفتیش کا آغاز کر دیا ہے۔لاش کے قریب خون کے داغ لگا پتھر پایا گیا۔پولیس کو شبہ ہے کہ سر پر پتھر سے مارا گیا ہے۔پولیس مصروف تحقیقات ہے۔
