حیدرآباد ۔ پچھلے ماہ ڈرامائی پیشرفت میں تلنگانہ میں بی جے پی نے دوباک اسمبلی ضمنی انتخاب میں کامیابی حاصل کی ہے جیسا کہ گنتی کے 23 راؤنڈ کے بعد بی جے پی کے مادھاوینی راگھونندن راؤ نے اپنی ٹی آر ایس امیدوار سولی پیٹا سجاتا کو 1،079 ووٹوں کے فرق سے شکست دی۔ بی جے پی نے 62،772 ووٹ حاصل کیے ، جبکہ ہارے ہوئے ٹی آر ایس امیدوار نے 61،302 ووٹ حاصل کیے۔ اس انتخاب کی تیسری جماعت کانگریس نے 21،819 ووٹ حاصل کیے۔ ضمنی انتخاب میں بی جے پی کے ووٹوں کا حصہ 38.21 فیصد تھا جبکہ ٹی آر ایس کے 38.08 فیصد تھا۔
دوباک ضمنی انتخاب کی ضرورت ٹی آر ایس کے رکن اسمبلی سلی پیٹ رامچندر ریڈی کی موت سے ہوئی تھی اور پارٹی نے ان کی اہلیہ سجاتا کو امیدوار بنایا تھا کہ وہ ان کی موت پر ہمدردی کے ووٹوں سے فائدہ اٹھائیں گے۔دوباک کے ضمنی انتخابات کے بعد ریاستی الیکشن کمیشن نے گریٹر حیدرآباد میونسپل انتخابات کا اعلامیہ جاری کیا۔ 12 روزہ مہم میں ہائی ولٹیج ڈرامہ دیکھا گیا۔ بی جے پی جو دوباک ضمنی انتخاب میں اپنی فتح کے بعد زوروں پر ہے ،حیدرآباد میں انتخابی مہم چلانے کے لئے پارٹی کے سب سے قد آور لیڈروں کو نوابوں کے شہر میں چھوڑدیا تھا ۔
جی ایچ ایم سی کے بعد اب نلگنڈہ ۔ کھمم ، ورنگل اور حیدرآباد رنگاریڈی محبوب نگر حلقوں کے لئے ایم ایل سی انتخابات کی باری ہے۔ تاہم ناگرجنا ساگر حلقہ سے حکمران جماعت کے ایم ایل اے کی اچانک موت سے ریاست میں مستقبل قریب میں ایک اور ضمنی انتخابات کا امکان پیدا ہوگیا ہے ۔ حضور نگر سے کانگریس کے ایم ایل اے این اتم کمار ریڈی کے استعفی کے ساتھ ہی تلنگانہ میں 2018 کے انتخابات کے بعد ضمنی انتخابات دیکھنے میں آئے۔ اس انتخابات میں ٹی آر ایس امیدوار شانپودی سائیدی ریڈی اپنے حریف پدماوتی ریڈی کو شکست دے کر فاتح قرار پائے۔ تاہم دوباک سولی پیٹا رامنگا ریڈی کے ٹی آر ایس ایم ایل اے کے اچانک انتقال کے ساتھ ہی ایک اور ضمنی انتخاب کی ضرورت ہوئی جہاں ٹی آر ایس کو شکست برداشت کرنی پڑی حالانکہ اس انتخابات میں ہائی ولٹیج ہائی ڈرامہ دیکھنے میں آیا۔ کئی نشیب و فراز کے بعد بی جے پی امیدوار نے 1،079 ووٹ کے فرق سے کامیابی حاصل کی۔
ناگرجنا ساگر اسمبلی حلقہ کے معاملے میں انجہانی نمولہ نرسمہیا نے سی ایل پی کے سابق رہنما اور انتہائی سینئرسیاسی رہنما کے جنا ریڈی کو شکست دے کر انتخابات میں کامیابی حاصل کی۔ تاہم ،ریاست ایک بار پھر نرسمہیا کے اچانک انتقال کے ساتھ ہی ایک اور ضمنی انتخابات کے امکانات روشن ہوگئے ہیں ۔ سیاسی جماعتیں جلد ہی حکمراں ٹی آر ایس سے ناگرجناساگر اسمبلی حلقہ کو لڑنے کے لئے اپنی کوششیں شروع کردیں گی۔ 2018 کے انتخابات سے پہلے ریاست میں بی جے پی کی موجودگی نہیں تھی۔ تاہم 2023 کے اسمبلی انتخابات میں اقتدار میں آنے کے مقصد سے بھگوا پارٹی نے ریاست تلنگانہ پر توجہ مرکوز کرنا شروع کردیا ہےاور دوباک نتائج نے پارٹی کو کافی حد تک فروغ دیا ہے اور اب بی جے پی ناگرجنا ساگر کے حلقے کو جیتنے کے لئے پوری کوششیں کرے گی اور ریاست جلد ہی ایک اور ہائی ولٹیج ضمنی انتخاب دیکھنے میں آئے گا۔
