نئی دہلی ۔ دہلی پولیس کی انسداد بدعنوانی برانچ (اے سی بی) نے دہلی وفاق بورڈ کے چیئرمین اور عآپ ایم ایل اے امانت اللہ خان کے حامیوں کے خلاف اے سی بی کے اے سی پی پر حملہ کرنے اور غیر قانونی ہتھیار رکھنے اور زندہ کارتوس کے الزام میں دو الگ الگ ایف آئی آر درج کیں۔قبل ازیں امانت اللہ کو دہلی وقف بورڈ کے کام میں مالی خرد برد اور دیگر بے ضابطگیوں سے متعلق ایک مقدمہ کے سلسلے میں گرفتار کیا گیا تھا۔
الزام لگایا گیا ہے کہ امانت اللہ نے تمام اصولوں اور حکومتی ہدایات کی خلاف ورزی کرتے ہوئے 32 افراد کو غیر قانونی طور پرتقررات کیے۔ ان پر بدعنوانی اور جانبداری میں ملوث ہونے کا الزام ہے۔دہلی وقف بورڈ کے اس وقت کے سی ای او نے واضح طور پر بیان دیا تھا اور اس طرح کی غیر قانونی تقررات کے خلاف میمورنڈم جاری کیا تھا۔اس کے علاوہ، یہ الزام لگایا گیا کہ دہلی وقف بورڈ کے چیئرمین کے طور پر، امانت اللہ نے بورڈ کی کئی جائیدادوں کو غیر قانونی طور پر کرائے پر دیا۔
امانت اللہ نے دہلی وقف بورڈ کے فنڈز کا مبینہ طور پر غلط استعمال بھی کیا تھا جس میں دہلی حکومت کی امداد میں گرانٹ شامل تھی۔پوچھ گچھ کے دوران موصول ہونے والی معلومات سے اور اے سی بی کے ذریعہ جمع کردہ معلومات کی بنیاد پر، چار مقامات کی تلاشی لی گئی۔ ان مقامات سے 24 لاکھ روپے نقد دوغیر لائسنس یافتہ ہتھیار اور کارتوس برآمد ہوئے۔ اے سی پی پر مشتمل سرچ ٹیم پر امانت اللہ کے رشتہ داروں اور دیگر جاننے والوں نے حملہ کیا ایڈیشنل سی پی مدھر ورما نے کہا۔اے سی بی نے تلاشی کارروائی کے دوران اپنی ٹیم پر حملہ کرنے اور ہنگامہ کرنے کے لیے دو الگ الگ ایف آئی آر درج کی ہیں۔
