ابوظہبی: سن رائزرس حیدرآباد کے راشد خان نے انڈین پریمیر لیگ کے 13 ویں سیزن میں ایک نیا سنگ میل قائم کرلیا ہے ۔راشد خان نے سیزن میں6 سے کم اوسط سے 20 وکٹیں حاصل کرنے والے بولروں کے کلب میں شامل ہوگئے ہیں ۔کوالیفائر ٹو میں سن رائزرس حیدرآباد کی ٹیم دہلی کیپٹلز سے 17 رن سے مقابلہ گنوا بیٹھی ۔ اگرچہ کوالیفائر تک پہنچنے کا سفر حیدرآباد کے لئے آسان نہیں تھا لیکن راشد خان نے اپنی بولنگ کی بنیاد پر ہی یہ ممکن کیا۔ راشد خان نے اس سیزن میں عمدہ کارکردگی کا مظاہرہ کیا ہے اور ایک خاص کلب میں داخل ہوئے ہیں ۔
راشد خان 13 ویں سیزن میں16 میچ کھیل کر5.37 کے اوسط سے رنز دے کر 20 وکٹ حاصل کرنے میں کامیاب رہے ۔ ایک سیزن میں 20 یا اس سے زیادہ وکٹیں حاصل کرنے والے بولروں میں راشد خان کا اوسط سب سے کم ہے۔ آئی پی ایل کی تاریخ کے سب سے کامیاب بولر میں سے ایک لست ملنگا ہیں جنہوں نے ایک سیزن میں سب سے کم اوسط سے وکٹیں لینے والے ہیں ۔2011 میں ملنگا نے عمدہ بولنگ کرتے ہوئے صرف 5.95 کے اوسط کے ساتھ 28 وکٹیں حاصل کی تھیں۔
اس خصوصی کلب میں آر سی بی کے سابق کپتان انل کمبلے بھی شامل ہیں۔ انل کمبلے نے 2009 میں آر سی بی کی طرف سے کھیلتے ہوئے 5.86 کی شرح کے ساتھ 21 وکٹیں حاصل کیں۔کے کے آر اسٹارکھلاڑی سنیل نرین واحدکھلاڑی ہیں جنہوں نے دو مرتبہ اس کلب میں جگہ بنائی۔ نرین نے پہلی بار2012 میں5.48 کے اوسط کے ساتھ بولنگ کی تھی اور24 وکٹیں حاصل کیں۔ اگلے سال بھی نرین کی شاندار بولنگ جاری رہی اور انہوں نے 5.47 کی اوسط کے ساتھ 22 وکٹیں حاصل کیں۔
