بھوپال ۔ مدھیہ پردیش کی بھوپال پارلیمانی نشت سے بھارتیہ جنتا پارٹی (بی جے پی )کی امیدوار پرگیہ سنگھ ٹھاکر نے کہا ہے کہ اگر ملک کی سکیورٹی کے لئے برقعے پر پابندی ضروری ہے تو اسے عاید کرنا چاہئے ۔
سادھوی ٹھاکر نے میڈیا سے اظہار خیال کرتے ہوئے کہا ہے کہ برقعہ پر پابندی کے سلسلے میں تنازعہ پر کہا کہ اگرملک کی سکیورٹی کے لئے یہ ضروری ہے تو اس پر پابندی لگنی چاہئے ۔انہوں نے کہا کہ جب سکیورٹی جانچ کے لئے اےرپورٹ پر برقعہ ہٹانے کے لئے کہا جاتا ہے تو مزاحمت نہیں کی جاتی۔
سادھوی نے یہ بھی کہا کہ جمہوریت میں فیصلہ ملک کے حق میں کرنا چاہئے ۔ حکومت کے بجائے خود مسلم طبقے کو برقعے پر پابندی لگانے کافیصلہ کرنا چاہئے ۔سری لنکا میں گزشتہ دنوں ہوئے حملے میں سینکڑوں لوگوں کے مارے جانے کے بعد وہاں کی حکومت نے عوامی مقامات پر چہرہ ڈھکنے پر پابندی لگادی ہے ۔اس کے بعد شیوسینا نے اپنے پرچے سامنا میں لکھے اداریے میں ہندوستان میں برقعے پر پابندی لگانے کی وکالت کی ہے ۔
