ریاض ۔ سعودی محکمہ صحت کے حکام نے ریاض کے 13 ہوٹلوں کو قرنطینہ میں تبدیل کردیا ہے۔ یہ اقدام نیو کورونا وائرس کے سدباب کے لیے کیا گیا ہے۔تفصیلات کے مطابق بیرون ملک سے سعودی عرب آنے والے سعودی شہریو ں اور مقیم غیر ملکیوں کو احتیاطی تدبیر کے طور پر قرنطینہ میں رکھا جا رہا ہے۔
ریاض کے جن تیرہ ہوٹلوں کو قرنطینہ میں تبدیل کیا گیا ہے وہ تمام فائیو اورسیون اسٹارہوٹلیں ہیں۔محکمہ صحت کے حکام نے ان ہوٹلوں میں دواخانہ قائم کیے ہوئے ہیں۔ چوبیس گھنٹے طبی عملہ ان ہوٹلوں میں رکھے گئے افراد کی صحت نگرانی کررہا ہے۔وزارت صحت کے عہدیدارو ں نے کہا ہے کہ کورونا کی وبا سے متاثرہ مقامات سے سعودی شہریوں کو اندرون ملک لایا جاتا ہے تو انہیں بھی 14 دن کے لیے انہی قرنطینہ ہوٹلوں میں رکھا جاتا ہے۔یاد رہے کہ سعوی عرب میں کورونا کے مریضوں کی جملہ تعداد 344 ہوگئی ہے۔ سعودی حکومت کورونا کے پھیلاؤ کو روکنے کے لیے احتیاطی تدابیر اپنائے ہوئے ہے۔
