ورجینا: امریکہ کی ریاست ورجینیا میں ایک خاندان کو اس بات پر سراہا جا رہا ہے کہ انہوں نے سڑک سے ملنے والے تقریباً 10 لاکھ ڈالرز سے بھرے دو بیگز کو پولیس کے حوالے کیا۔خبر رساں ادارے کے مطابق ایمیلی شینٹز نے مقامی ٹی وی چینل ڈبلیو ٹی وی آر کو بتایا کہ وہ اپنے اہلِ خانہ کے ساتھ ڈرائیونگ پر تھیں جب ان کی گاڑی دونوں میں سے ایک بیگ کے اوپر سے گزری۔
ایمیلی نے کہا کہ ان لوگوں کو لگا کہ اس بیگ میں کچرا ہے، قریب میں پڑا ایک اوربیگ دیکھا تو گاڑی میں رکھ لیے۔انہیں گھر پہنچنے کے بعد پتا چلا کہ ان کی پک اپ ٹرک میں ان دونوں بیگز کے اندر پلاسٹک میں 10 لاکھ ڈالرز کی رقم موجود ہے۔تاہم اتنی بڑی نقد رقم کو اپنے پاس رکھنے کے بجائے انہوں نے اسے مقامی حکام کے حوالے کر دیا۔متعلقہ ادارے کے میجر سکاٹ موسر نے کہا کہ اتنی بڑی رقم کو حکام کے حوالے کرنا ایک بہت غیر معمولی عمل ہے جو اس خاندان نے کیا۔ہمیں فخر ہے کہ ایسی ایمانداری دکھا کر ہماری کاؤنٹی کی نمائندگی کرتے ہیں۔اس بارے میں ایمیلی شینٹز نے کہا کہ ان کے خاندان نے وہی کیا جس کو وہ درست سمجھتے ہیں۔کیونکہ وہ رقم ویسے بھی ہماری نہیں تھی۔
