کولکتہ ۔چیف منسٹر ممتا بنرجی نے وزا کی حلف برداری کے بعد محکمہ کی تقسیم کرتے ہوئے اپنے پاس کئی اہم محکمہ جس میں داخلہ، ہیلتھ،زمین اصلاحات، بازآبادکاری برائے پناہ گزین ، انفارمیشن وکلچرو شمالی بنگال ترقیاتی امور شامل ہیں ۔اس مرتبہ ممتابنرجی نے وزار اقلیتی امور و مدرسہ تعلیم محکمہ کی ذمہ داری اپنے پاس رکھنے کے بجائے شمالی دیناج پور سے آنے والے غلام ربانی کو وزارت اقلیتی امور ومدرسہ کی ذمہ داری دی ہے ۔انتخاب میں حصہ نہ لینے کے باوجود امیت متراکو وزیر خزانہ اور منصوبہ بندی کا وزیر بنایاگیا ہے ۔انہوں نے کورونا وائرس کی وجہ سے انتخاب میں حصہ نہیں لیا تھا لیکن اتفاقی طور پرکھردہ اسمبلی حلقہ جہاں سے وہ منتخب ہوتے تھے اس مرتبہ ترنمول کانگریس کے امیدوار کی پولنگ کے بعدکورونا وائرس کی وجہ سے موت ہوگئی ہے ۔اب یہاں ضمنی انتخاب ہوں گے ۔جب کہ ممتا بنرجی خود نندی گرام کی سیٹ ہارگئی ہیں اس لئے انہیں بھی 6 مہینے میں کامیاب ہوکرآنا ہے ۔دس سال سے محکمہ خوراک کا چارج سنبھالنے والے جیوتری پریہ ملک کو وزیر جنگلات بنایا گیا ہے ۔بنکم ہزارہ کو سندربن ڈیولپمنٹ کا چارج دیا گیا ہے ۔
ممتابنرجی کی وزارتی ٹیم 7مسلم چہرے شامل کئے گئے ہیں جن میں چارکو کابینہ ، ایک کو آزادانہ چارج اور دوکو وزیر مملکت بنایا گیا ہے ۔ترنمو ل کانگریس کے سینئر لیڈر فرہاد حکیم جوگزشتہ دس سال سے شہری ترقیات اورمیونسپل امور سمیت کئی اہم محکمے کو سنبھال رہے تھے ان کو اس مرتبہ ٹرانسپورٹ اورہاﺅسنگ کا محکمہ دیا گیا ہے جبکہ جاوید احمد خان کو سول ڈیفنس اور محکمہ قدرتی آفات روک تھام کا چارج دیا گیا ہے ۔وزیر مملکت آزادانہ چارج کے طور پر لائبریری اور ماس ایجوکیشن کا چارج سنبھالنے والے مولانا صدیق اللہ چودھری کو کابینہ کے وزیر کا چارج دیا گیا ہے لیکن ان کو وہی محکمہ دیا گیا ہے ۔سابق آئی پی ایس آفیسرہمایوں کبیرکو ٹیکنیکل ایجوکیشن، ٹریننگ اینڈ اسکیل ڈیولپمنٹ کا عہدہ دیاگیا ہے ۔مرشدآباد سے آنے والے اخترالزماں کو محکمہ پاور میں وزیر مملکت بنایا گیا ہے ۔جب کہ مالدہ سے آنے والی یاسمین شبینہ کو وزیر مملکت برائے آب باشی، پانی کے راستے وشمالی بنگال ترقیاتی امورکا عہدہ دیا گیا ہے ۔
حیرت انگیز کے طور پر پارتھو چٹرجی سے وزات تعلیم کا عہدہ لے کر برتیہ باسوکو اسکول تعلیم اور اعلیٰ تعلیم کا عہدہ دیا گیا ہے ۔جب کہ پارتھو چٹرجی کو انڈسٹری، کامرس اینڈ انٹرپرائز،انفرمیشن ٹکنالوجی ، الیکٹرانک، و پارلیمانی امور کا عہدہ دیاگیا ہے ۔سبرتو مکھرجی حسب سابق پنچایت، دیہی ترقی، پبلک انٹرپرائزکا محکمہ دیاگیا ہے ۔ممتا بنرجی نے اپنی وزارت میں کئی نئے چہرے کو شامل کیا ہے جس میں سابق کرکٹر منوج تیواری کو محکمہ کھیل کود اور نوجوانوں کے امور محکمہ کا وزیر مملکت بنایا گیا ہے ۔ نرمل گوش کوچیف وہپ ۔ تاپس رائے کوڈپٹی چیف وہپ پارتھو بھومک وزیر مملکت ہوں گے ۔بمان بنرجی کو اسپیکر دوبارہ بنایا جارہا ہے ۔ آشیش بنرجی ڈپٹی اسپیکر ہوں گے ۔اگر قانون نے اجازت دی تو عبد الکریم چودھری کوبھی اضافی ڈپٹی اسپیکر بنایاجائے گا۔ممتا بنرجی کے 43 رکنی وزارتی ٹیم میں 24وزرا کوکابینہ ، 10وزرا کو آزادانہ عہدہ اور 9کووزیر مملکت بنایا گیا ہے ۔
