پیرس۔ وزیر اعظم نریندر مودی اور فرانس کے صدرامانوئل میکرون نے دہشت گردوں کے محفوظ ٹھکانوں اور ان کی ما لی امداد اور بنیادی ڈھانچے کو ختم کرنے کے لئے دنیا کے دیگر ممالک کے ساتھ مل کر کام کرنے کی اپیل کی ۔ مودی یہاں فرانس کے دورے پر پہنچے ، جہاں 24 اگست کو وہ جی7 سمٹ میں بھی شرکت کریں گے ۔ مودی اور میکرون کے درمیان دوطرفہ مذاکرات کے بعد جاری مشترکہ بیان میں کہا گیا کہ دونوں ممالک نے القاعدہ، داعش، جیش محمد، لشکر طیبہ جیسی دہشت گرد تنظیموں کے جنوبی ایشیا اورساحل خطے میں سرحد پار دہشت گردانہ سرگرمیوں کو روکنے کے لئے دیگر ممالک کے ساتھ مل کر کام کرنے کی اپیل کی ہے ۔ بیان میں کہا گیا دونوں لیڈروں نے دنیا بھر میں دہشت گردی کے خطرے سے نمٹنے کے لئے ہندوستان کی طرف سے تجویزکردہ عالمی کانفرنس کے جلد انعقاد کے لئے کام کرنے پر اتفاق کیا ۔
مودی نے اس سال جون میں مالدیپ کے دورے کے دوران پہلی مرتبہ دہشت گردی پر ایک عالمی کانفرنس کی تجویز پیش کی تھی ۔ دونوں لیڈروں نوڈل ایجنسیوں اور دونوں ممالک کی جانچ ایجنسیوں کے درمیان بہتر تعاون کو آگے بڑھانے اور سخت گیری کو روکنے اور از سر نو لڑنے کے لئے نئی کوششوں کے آغاز پر بھی اتفاق کیا۔
بیان کے مطابق مودی اور میکرون نے کثیر جہتی فورم جیسے اقوام متحدہ، جی¸ سی ٹی ایف ، ایف اے ٹی ایف، جی 20 وغیرہ میں ‘انسداد دہشت گردی کی کوششوں کو مضبوط کرنے پر رضامندی کا اظہار کیا گیا۔ انہوں نے تمام اقوام متحدہ کے رکن ممالک سے یو این ایس سی کی تجویز1267 اوردیگر متعلقہ قراردادوں کو نافذ کرنے کی اپیل کی جس میں دہشت گرد تنظیموں کی شناخت کی گئی تھی ۔اس کے علاوہ دونوں نے اقوام متحدہ میں بین الاقوامی دہشت گردی (سی سی آئی ٹی ) پر وسیع کنونشن کو جلد اپنانے پر لیڈروں نے مل کر کام کرنے پر رضامندی ظاہر کی ۔
اس دوران دونوں لیڈروں نے مشترکہ طور پر کہا دہشت گردی کو کسی بھی بنیاد پر درست نہیں ٹھہرایا جا سکتا ہے اور اسے کسی بھی مذہب، فرقہ ، قومیت اور نسل کے ساتھ نہیں جوڑاجانا چاہئے ۔ واضح ر ہے کہ مودی فرانس کے دوروزہ دورے پر ہیں جس کے بعد وہ 24 اگست کو منعقد ہونے والی جی7 سمٹ میں حصہ لیں گے ۔
