دبئی ۔گزشتہ رات سنسنی خیز مقابلے میں پنچاب کو راجستھان کے خلاف 2 رنز کی قریبی شکست برداشت کرنی پڑی ۔پنچاب نے اپنے جارحانہ اوپنر کریس گیل کو قطعی 11 کھلاڑیوں میں شامل نہیں کیا اور اس سے بھی حیرانی کی بات یہ ہےکہ گیل کو ان کی سالگرہ کے دن مقابلے سے باہر بیٹھا دیا گیا ۔گیل کو سالگرہ کے دن مقابلے سے باہر کرنا سابق کرکٹرز سنیل گواسکر اور کیون پیٹرسن کےلئے بھی حیران کن تھا ۔
دریں اثناء کرس گیل کو ان کی 42 ویں سالگرہ کے موقع پر ٹیم سے باہر کرنے کے ضمن میں اظہار خیال کرتے ہوئے پنجاب کے کپتان کے ایل راہول نے کہا کہ ٹیم نے چار غیر ملکی کھلاڑیوں کے قاعدہ کے تحت آئی پی ایل 2021 کے میچ 32 میں دبئی میں راجستھان رائلز کے خلاف نکولس پورن ، عادل رشید ، ایڈن مارکرم اور فیبین ایلن کو موقع دیا ۔پیٹرسن جنہوں نے میچ کے آغاز سے قبل گیل کا انٹرویو لیا تھا وہ اس حقیقت کو بتانہیں سکے کہ پنجاب نے آخر کیوں گیل کو ان کی سالگرہ کے دن اپنی ٹیم سے باہرکردیا ہے ۔
اس ضمن میں اظہار خیال کرتے ہوئے پیٹر سن نے کہا کہ کچھ سوالات پوچھے جائیں گے۔ میں نہیں سمجھتا کہ آپ کرس گیل کو ان کی سالگرہ کے موقع پر کیوں باہر کریں گے۔ اگر وہ ناکام رہا تو آپ کہتے ہیں ٹھیک ہے ، آپ تھوڑا آرام کرلو ہیں لیکن اب آپ جبکہ دوسرے مرحلے کا پہلا ہی مقابلہ کھیل رہے ہیں تو اپنے اہم کھلاڑی کو وہ بھی اس کی سالگرہ کے دن باہر کریں گے یہ سمجھ سے بالاتر ہے ۔گواسکر نے کہا کہ وہ گیل کو ٹیم میں جگہ نہ دینے کے فیصلے سے حیران تھے۔ یونیورسل باس کا حوالہ دیتے ہوئے گواسکر نے کہا کہ گیل جس نے دنیا بھر میں ٹی 20 لیگز پر غلبہ حاصل کیا ہے اسے اسی کی سالگرہ کے دن باہر کرنا احمقانہ فیصلہ ہے ۔
انہوں نے مزید کہا میں پیٹر سن کی طرح بالکل حیران ہوں کہ کرس گیل ٹیم سے باہر رہا ، لیکن حقیقت یہ ہے کہ سالگرہ کے موقع پرآپ ٹی 20 فارمیٹ کے بہترین کھلاڑیوں میں سے ایک کوباہر کردیا ۔ نہ صرف آئی پی ایل میں ، سی پی ایل ، بگ بیش یا کوئی اور لیگ ہر ایک ٹی 20 لیگ پر اس کا غلبہ ہے اور ایسے کھلاڑی کو آپ اس کی سالگرہ کے موقع پر ٹیم سے باہر کردیں یہ سمجھ میں نہ آنے والا فیصلہ ہے۔گیل نے پہلے ہاف میں پی بی کے ایس کے تمام 8 میچوں میں نمایاں کیا ، بغیر کسی نصف سنچری کے 25.42 کی اوسط سے 178 رنز بنائے۔
