سنچورین۔ ہندوستان نے جمعرات کو یہاں سوپر اسپورٹ پارک میں پہلے ٹسٹ میں جنوبی افریقہ کو 113 رنز سے شکست دے کر 2021 کا شاندار اختتام کیا۔ ہندوستان کی یہ سنچورین میں پہلی ٹسٹ کامیابی بھی ہے، جسے بڑے پیمانے پر جنوبی افریقہ کا قلعہ سمجھا جاتا ہے۔ اس کامیابی کے ساتھ ہی ہندوستان نے تین میچوں کی سیریز میں بھی 1-0 کی برتری حاصل کر لی ہے۔ہندوستان کو یادگار جیت سمیٹنے میں لنچ کے بعد صرف دو اوور لگے۔
مارکو جانسن نے دوسرے سیشن کا آغاز محمد سمیع کی گیند پر دو چوکے لگا کرکیا۔ لیکن پانچویں گیند پر سمیع نے آخری کامیابی حاصل کی جب انہوں نے جانسن کو فرنٹ فٹ پر ڈیفنس کرنے کے لیے مجبور کیا لیکن کیپر رشبھ پنت کو پیچھے کیچ مل گیا۔روی چندرن اشون نے میچ میں اسپنر کی پہلی وکٹ حاصل کی جب انہوں نے کاگیسو ربادا کو آف اسٹمپ کے باہر للچایا۔ ربادا ایک ڈرائیو کے لیے باہر پہنچے لیکن بیرونی کنارہ بیک ورڈ پوائنٹ پر سمیع کی طرف آگیا۔ اگلی ہی گیند پر اشون نے دوسرے سیشن کے صرف 10 منٹ میں ہندوستان کی جیت پر مہر ثبت کردی کیونکہ لونگی نگیڈی نے پیچھے کی طرف شارٹ لیگ پر چیتشور پجارا کو کیچ دے دیا۔
قبل ازیں روشن آسمان کے نیچے 94/4 سے دوبارہ شروع کرتے ہوئے باوما اور ڈین ایلگر نے ہندوستان کو مایوس رکھنے کے لیے سخت محنت کی۔ سمیع نے ایلگرکو 63 کے اسکور پر اپنی ہی گیندآوٹ کیا، جس نے ہندوستان کے لیے کامیابی کا انتظار مزید بڑھا دیا۔سمیع کے کیچ چھوڑنے کا ہندوستان کو صرف 14 رنز کا نقصان اٹھانا پڑاکیونکہ 36 رنزکی شراکت جسپریت بمراہ نے ایلگر کو ایل بی ڈبلیو کرکے ختم کر دی۔ بائیں ہاتھ کے بیٹر فلک کرنے کی کوشش کی لیکن گیند پیڈ سے ٹکرا گئی۔ وہ ریویو کے لیے گئے لیکن ری پلے میں گیند اسٹمپ سے ٹکراتی دکھائی دی۔
کوئنٹن ڈی کوک نے سراج کو کاٹ کرنے کی کوشش کرتے ہوئے اپنے اسٹمپ پرگیند کھیل بیٹھے ، انہوں نے باووما کے ساتھ 31 کا اشتراک کیا ۔ باوما نے ساتھی کھوئے لیکن باونڈریزلگانا جاری رکھا۔ جانسن کے ساتھ باوما نے یقینی بنایا کہ جنوبی افریقہ نے لنچ سے پہلے مزیدکوئی وکٹ نہیں گنوائی لیکن وقفے کے بعد دوبارہ کھیل شروع ہونے پر سال کے آغاز میں گابا کے بعد ایک اور قلعہ کو فتح کرنے میں ہندوستان کو صرف 12 گیندیں لگیں۔ہندوستان کےلئے بمراہ اور سمیع نے فی کس 3 جبکہ محمد سراج اور اشون نے فی کس 2 کھلاڑیوں کو آوٹ کیا۔پہلی اننگز میں شاندار سنچری بنانے والے کے ایل راہول کو مین آف دی میچ دیا گیا۔
